葛珮帆出書 曾主席讚書又讚人

民建聯立法會議員葛珮帆（左）噚日舉行新書發布會，較少公開露面嘅老公葉興華亦有現身撐場。（楊康琪攝）

【明報專訊】民建聯立法會議員葛珮帆(EQ)今年出咗3本關於環保、時政同香港文化嘅書，會喺本周書展亮相。噚日EQ舉行新書發布會，除咗家人撐場，唔少政界人都畀面，包括立法會主席曾鈺成同新聞統籌專員馮煒光。不過馮煒光遲大到，原因係要湊侄仔，但佢非常捧場，即場買咗EQ嘅故事書《暖暖南極》送畀小朋友。

馮煒光唔生BB 「幫人湊好玩啲」

3本新書分別係關於南極探險嘅《暖暖南極》、結集時政文章同發言嘅《帆心直說》，以及介紹西貢文化嘅《西貢》。曾鈺成大讚EQ嘅新書，話隨便攞起一本睇都會有收穫，仲讚EQ唔會因為要寫書而荒廢議會工作，係立法會最勤力議員之一，亦係「發言質素相當高嘅議員」。

唔使陪特首梁振英上京嘅馮煒光似乎仲忙過返工，佢因為要湊自己個侄仔同女朋友嘅侄仔，搞到發布會完場先出現。自言好鍾意小朋友嘅馮煒光，一見到葛珮帆助理嘅年幼兒子，立即抱B玩。問佢會唔會生番個？54歲嘅馮煒光笑笑口話，「我唔會啦，我成日覺得湊人哋個細路好玩好多，又可以幫吓人」。

更多港聞

曾德成入哈薩克「金字塔」

【明報專訊】特首梁振英要熱烈響應中央「一帶一路」國策，民政事務局長曾德成噚日寫咗篇哈薩克斯坦遊記，介紹呢個中國西部鄰國嘅歷史同機遇。佢話香港... 詳情

內地一級運動員入港大

【明報專訊】被質疑受到佔領同本土派反內地人行動影響，今年報讀理大、嶺大同浸大本科課程嘅內地生大減三四成，Emily啱啱知道，報讀港大嘅內地生... 詳情