鮮魚行校長退休 拒做太上皇

噚日鮮魚行學校舉行畢業禮，校長梁紀昌做埋今個月就退休，佢話驚自己變咗太上皇，所以之後3年都唔會做校董或校監，但一定會返去探學生。（劉焌陶攝）

【明報專訊】唔經唔覺已經喺鮮魚行學校任職13年嘅校長梁紀昌，過埋呢個月就退休，新校長係?家嘅副校長。梁紀昌講到明退休3年內，唔會喺鮮魚行學校做校監、校董，任何學校職務都唔做，因為佢唔想自己變咗太上皇，令新校長有壓力。不過，佢話將來會間中返學校探學生。

享受湊孫樂 得閒探學生

梁紀昌同Emily講，收到好多學生嘅卡，話唔捨得佢，亦有學生好有心咁整咗印有佢個樣嘅曲奇餅，令佢好開心。至於校長生涯嘅唯一遺憾，就係校舍太舊，連操場都冇，上體育堂要問康文署借地方，佢曾經兩次向政府申請新校舍都唔成功，相信新校長會繼承呢個新校舍任務，繼續努力。

問到退休打算，梁紀昌話最緊要湊孫，又有多啲時間睇書，特別係佢好鍾意嘅歷史書。佢亦唔怕悶，因為已經收到好多大學同其他機構邀請佢出席講座。佢下周會同一班學生食自助餐，原來呢餐係藝人江美儀贊助，江美儀已贊助咗幾年，非常有心。

更多港聞

太陽板助綠化啟德

【明報專訊】啟德發展計劃如火如荼，噚日土木工程拓展署長鍾錦華去咗啟德植樹，順便介紹吓啟德發展區嘅設施。發展區以「生機、活力」作為核心設計概念... 詳情