社民連被冒認製「撐懷仔」單張
[2015.06.05] 發表
【明報專訊】社民連facebook噚日有一個澄清啟事。話說網上流傳咗一單張，用咗社民連logo，寫有「贏了謾罵，輸掉道德，值得嗎？」，講番之前無證童肖友懷同大成小學女學生哭訴嘅故事，並放咗佢哋嘅相，要大眾放過佢哋及保護兒童。社民連就喺facebook澄清番呢張單張唔係佢哋製作嘅，又話製作人居心不良、手段下流，仲強烈譴責，呼籲市民協助澄清，以正視聽。
吳文遠：趁六四流出 質疑煽動
Emily打去問社民連副主席吳文遠，佢話社民連不斷地被不知名組織用佢哋嘅logo去散布唔真實嘅事。佢哋都喺網上搵到張圖，但就未見到有任何印製品，唔知邊個咁居心不良。
佢仲話張圖選擇喺六四流出，而社民連又參加六四活動，質疑係咪有人乘機煽動。
更多港聞
相關新聞
