【明報專訊】每年支聯會六四晚會，都有唔少政團喺外圍擺檔售賣唔同物品同籌款，工黨議員何秀蘭噚日就大賣廣告，話工黨今年整咗兩款分別寫有「勿忘初衷」同「腰骨要直」嘅摺櫈(上圖)，喺今晚維園外有售，每張賣60元。大家有興趣嘅話入場前不妨買番張，晚會時就唔使坐地下，又話收好摺櫈之後，可以留到本月中政改表決前嘅「滾動集會」再拎出嚟用。

另外，工黨整咗兩款襟章(下圖)，包括手持黃傘嘅第一代民主女神像，同埋黑色持火炬嘅第二代民主女神像，每個售價20元，似乎摺櫈性價比高啲，不過摺櫈限量400張，有買趁手。