《五個小孩》搞唔喊卿姐
蘇錦樑流淚推介

商經局長蘇錦樑（左）出席民主黨主席劉慧卿（右）網台節目《議會內外》，訪問後特登留耐啲答記者提問。

【明報專訊】以「月薪4500元」校長呂麗紅故事為藍本嘅電影《五個小孩的校長》，搞喊咗唔少大人細路，仲叫好叫座，票房直逼4000萬元，連商務及經濟發展局長蘇錦樑都話睇戲時感動到喊足全場。蘇局長大讚套戲好睇，仲介紹畀民主黨主席劉慧卿?；卿姐都話套戲好好睇，但反問蘇局長「喊乜鬼？」

蘇局長出席卿姐網台節目《議會內外》做訪問，傾「亞視和免費電視的前途」。蘇錦樑同卿姐喺錄影前大談電影、電視節目，除咗《五個小孩的校長》，蘇局長仲推介卿姐去睇《爭氣》，順便支持香港電影。由5個小女孩同楊千嬅主演嘅《五個小孩的校長》改編自真人真事，講述呂校長點樣以生命影響生命，現實中最後令元崗幼稚園逃過「被殺」命運。至於《爭氣》，就係關於幾個被視為「問題學生」、成績唔好嘅年輕人，喺舞台上表演追夢嘅勵志電影。

蘇未睇過《導火新聞線》

既然講開免費電視，唔知蘇局長有無睇過香港電視嘅電視劇呢？佢話有睇過兩集《選戰》，因為有人講當中有角色好似立法會主席曾鈺成，所以睇吓；不過，近日喺網上熱烈討論、關於記者工作嘅《導火新聞線》就無睇過喇。

更多港聞

中大紫砂陶藝展沉船茶壺出生天

【明報專訊】中文大學同康文署合辦嘅「宜興紫砂陶藝與文化」展覽，現在起至10月4號喺中大文物館舉辦，公眾可以免費參觀。其中一件「玉香齋」刻款梨... 詳情

「港台頂亞視」 抄陳志全橋？

【明報專訊】無牌續嘅亞視最遲下年4月要停播，政府為咗照顧48萬無「機頂盒」嘅觀眾，決定將空出嘅兩條模擬制式頻道交畀港台播放。立法會資訊科技及... 詳情

六四遊行終點改中聯辦

【明報專訊】支聯會每年六四晚會前嘅一個星期日都會辦遊行，由維園行去政府總部，不過，今年遊行路線會有改變，支聯會常委趙恩來透露，今年遊行會改由... 詳情

footnote譯「註解」 ICT試卷惹投訴

【明報專訊】復活節假期過後，中學文憑試噚日繼續開考，有考生喺網上討論區鬧考評局，話噚日份資訊及通訊科技科（ICT）試卷一第8條多項選擇題，要... 詳情

捐血車首次捐血 可獲證書

【明報專訊】香港紅十字會輸血服務中心宣布，由今日起至呢個月26號，會喺大埔文娛中心出面停泊流動捐血車，開放時間由朝早11點半至晚上7點。紅十... 詳情