【明報專訊】立法會議員林大輝噚日約埋一班傳媒食團年飯，席間論盡下屆特首人選，其中一個係行會成員、前教統局長李國章。大輝大讚本身係醫生嘅李國章「個人質素高」，分別做過大學校長、問責官員，?家又係行會成員，熟悉政府運作，仲連李國章身形好都讚埋一份?。

話湯家驊李國麟馮檢基梁繼昌或轉軚

至於另一行會成員葉劉淑儀呢？大輝話葉劉已顯露出想參選特首嘅誠意，算係行咗一步，大輝嘅特首心水人選，除咗李國章，仲包括立法會主席曾鈺成，可惜曾主席話自己年紀唔細無咩意思做。不過，其實李國章都69歲，比曾主席大兩歲。

講番自己，大輝未來會否有改變、加入自由黨呢？大輝話無新答案可以提供，佢要視乎政改方案係咪通過，再決定自己政途去向。大輝覺得政改獲通過嘅機會的確低，但就未至於零。佢噚日仲點名4名轉軚議員人選，包括公民黨湯家驊、衛生服務界李國麟、民協馮檢基，同埋會計界梁繼昌，但大輝補充，若要泛民轉軚，板斧有一個﹕「最緊要係羅范(椒芬)唔好講咁多嘢就得」。