娜姐確實與別不同。去年秋天退役的中國網球「金花」李娜，一直是中國傳媒焦點，不過新聞唔好多過好，例如當眾鬧老公、呼喝記者……退役後她豹隱3個月，前日於上海出席瑞銀大中華研討會，舉手投足深受記者關注，報道出來果然有餘波——平底鞋、闊身衫、冇化妝，相信大家都知中國傳媒估緊乜，難道娜姐真係孕味濃？

最耐人尋味的是，娜姐聲稱下周二於澳洲網球公開賽出席退役儀式後，將有重大事情宣布，「我會在那天正式宣布一些事情，到時候就明白了」，講�灟讔��齱A真係神秘。事實上，娜姐前日於上海出席瑞銀大中華研討會時，已引起內地記者多番猜測，列出3大孕味濃的特徵。一，娜姐罕有地著平底鞋，事關她以往出席公開活動，一定悉心打扮，高跟鞋當然少不了，去年尾現身新加坡WTA年終賽，仲著對3吋鬆糕露趾鞋打波添(左圖)；二，娜姐冇化妝，原因同「一」一樣，習慣扮靚靚的娜姐，竟然捨棄化妝品，素顏示人；三，雖說選擇行政人員look襯番銀行活動，但套裝卻十分鬆身，唔通想遮遮掩掩？

當記者鼓起勇氣開口試探，一向風趣幽默的娜姐立即大耍太極。「退役後生活是否有變化？」「我終於可以睡到自然醒了。」「你的身體是否出現變化？」「是的，我感覺輕鬆了許多。」記得李娜當年尚未揚威國際，到香港出席網球活動，已向記者表示好想做媽咪，不過一定要退役後，因為希望全心全意照顧兒女，唔想因為比賽忽略家庭。如今既已告別賽場，下個月便滿33歲的她，好應該追求人生另一夢想。到底娜姐是否榮升媽咪，下星期將於澳洲揭盅！