拳王都有受傷時，原本於曼徹斯特爭奪輕量級世界冠軍的拳王克羅拉(Anthony Crolla)，早前目擊竊匪潛入鄰居屋企準備打劫，正義的他喝止賊人仲激戰連場，可惜佢最終被賊人打磚頭打傷，穿頭兼斷腳，世冠夢暫時落空。不過佢又因此有意外收穫，身成曼聯死忠粉絲的他，日前竟然接到前領隊費格遜電話，費Sir仲祝佢早日康復；前鋒朗尼亦好有心，找齊隊友於球衣上簽名送給克羅拉，表揚這位正義朋友。