蔣麗芸想搞訪談騷
頭炮搵譚sir講私生活

民建聯蔣麗芸（Ann）

【明報專訊】建制派向來少搞網上攻勢，民建聯蔣麗芸(Ann)有意向呢方面發展，佢話正搞緊「會客室」節目，計劃下年初開始喺facebook播放，首集希望請民建聯主席譚耀宗，講吓佢私生活咁話。據聞譚sir平時嗜好都唔多，唔知會有咩講？不過Ann姐為節目認真準備，佢話已添置3部攝影機做準備，打算喺辦公室設studio，睇嚟都會有不同角度喎。

Ann話希望同受訪者日後喺節目講多啲心事，有記者提議不如請特首梁振英太太唐青儀做嘉賓。Emily希望Ann姐唔好「走數」，同梁太傾吓心事。

另外，潮流雜誌《100毛》今期搵嚟元秋做封面人物，更標明係「真?元秋」，又附上立法會主席曾鈺成早前向Ann姐講「建議你講少啲冇乜用嘅說話」，令人質疑係影射Ann姐。Ann姐喺商台節目笑笑口話，「佢話元秋之嘛，冇講過係我喎」，又話「梗係唔似(樣)啦，嗰個係元秋嚟㗎？」佢覺得名字只係代號，亦知好多人以主席嗰番話「講笑」，但唔覺得問題，「由佢哋講」。

更多港聞

聽障組織搞視頻 鬼古都有手語版

【明報專訊】?家大部分電視節目都配有字幕，但原來聾人單靠睇字幕，係好難吸收晒節目嘅資訊。協助聽障人士嘅組織「龍耳」就成立「龍耳電視」，提供... 詳情

「父親日記」勉新丁 警隊拍片sell親情

【明報專訊】警察YouTube頻道又有新搞作，今次係sell親情。7個駐守唔同單位嘅前線警員，最近台前幕後一手包辦製作咗一條長約10分鐘嘅短... 詳情

懲教阿sir：主任同囚犯 無劇集咁親密

【明報專訊】無綫早前播出劇集《再戰明天》，入面一個懲教主任同釋囚有感情線，大家可能好奇，兩者係咪真係可以發生感情呢？噚日懲教署邀請傳媒去喜靈... 詳情

六叔伙日導拍《楊貴妃》 電影資料館可重溫

【明報專訊】鍾意研究香港電影嘅朋友，下個禮拜不愁無節目。為咗回顧同紀念一代影視大亨「六叔」邵逸夫嘅成就，香港電影資料館推出全新節目「邵逸夫傳... 詳情

幼教會倡私苑增政府校舍

【明報專訊】免費幼稚園教育委員會將於明年中向政府提交報告，該會最新向立法會提交的工作進展文件提出，長遠而言幼園校舍可由政府提供或由辦學團體購... 詳情