87紙巴士 滿載佔領者心聲
[2014.11.25] 發表
【明報專訊】旺角清障前夕，物資站開始收拾，但有學生擺咗87架小型紙巴士喺街頭。Emily一問之下，原來87架紙巴士係中五生阿彤嘅其中一個校內project，佢趁周末去咗金鐘同旺角佔領區，邀請87個市民喺紙巴士寫上佔領以來嘅感想，話係模仿早前喺佔領區化身成民主牆嘅巴士。
平時有落開旺角同金鐘佔領區嘅阿彤話，會帶紙巴士去寫感想市民居住嘅區域，最遠係赤柱，以達到落區、遍地開花之效，相片遲吓會喺學校展出。阿彤影完相匆匆收起同點算清楚87架巴士，因為每架都代表9．28放嘅催淚彈(當日放咗87枚)，又話揀咗無冷氣嘅「熱狗」巴士係絕種型號，象徵港人懷念嘅嘢逐漸消失。
(盧翊銘攝)
更多港聞
【明報專訊】網上流傳一張旺角百老匯電器售貨員喺店外街頭「排排企」相片，被指係職員跑唔夠數遭「罰企」。百老匯噚日回覆查詢時承認，分店主管曾喺店...
詳情
【明報專訊】雜誌《100毛》創辦人林日曦因為好欣賞民建聯立法會議員蔣麗芸（Ann 姐）喺立法會嘅發言，話為大家帶來歡樂，仲可以啟發年輕人，所...
詳情
相關新聞
