毓民不認為衝擊立會者係「鬼」
[2014.11.21] 發表
【明報專訊】對於日前有示威者衝擊立法會，無黨派議員黃毓民話﹕「呢啲就叫暴徒，有幾暴徒呀？打爛幾塊玻璃有幾暴力呀？」佢形容衝擊立法會策略上係時機不對，對「雨傘運動」發展無幫助，但佢原則上唔會反對衝擊，因衝擊者亦會承擔責任。
指黃洋達只係外圍觀看
毓民強調衝擊者並非「鬼」﹕「據我了解，衝擊嘅好多都留守咗幾十日」，佢話行動並無組織，又形容熱血公民黃洋達只係喺外圍觀看，又話﹕「如果『吹雞』，唔係咁做啦！」
被問到示威者戴住面具、口罩衝擊，被批評不肯承擔罪責，毓民話蒙面無問題，「?家都拉人啦，畀閉路電視影晒，實睇到㗎，邊有得走，一個都走唔甩」，又謂戴面具、口罩等物品係要防胡椒噴霧，「唔通用警棍打你，都企喺度畀佢扑呀？」
「影晒邊有得走」
毓民批評，激進泛民不僅與衝擊者劃清界線，甚至將衝擊者樣貌拼圖，協助警方拉人，批評有關人士「若要做模範市民幫警方拉人，就應該返屋企唔好佔領」，因佔領同樣係違法，佔領者不比衝擊者清高。
更多港聞
相關新聞
