九巴混能hBus 停車特別靜
[2014.11.12] 發表
【明報專訊】九巴引入嘅混能空調雙層巴士「hBus」噚日首航，行駛尖沙嘴碼頭至中秀茂坪1A路線，當停車或車速減慢時，柴油引擎就會轉為電力驅動，以達零排放。九巴話1A線係起步、停止最多同最繁忙嘅路線，但由於佔中改道，「hBus」暫時只會經一小段彌敦道。咁會唔會測試唔到實際運作？九巴同Emily講，雖然改道，都會照有塞車情况，而且測試期兩年，仲有好長時間蒐集數據。
九巴董事總經理何達文同副環境局長陸恭蕙試搭呢部由政府全額資助購買嘅「hBus」，陸恭蕙話因為未有相關科技，要達至巴士零碳排放仲有好長一段路。有份試搭嘅九巴助理首席機械工程師蘇慶順就話「hBus」停車同慢速行駛時用電力，所以明顯比一般巴士靜好多，乘客可以喺巴士靜靜地休息啦。
更多港聞
【明報專訊】全港有99萬名長者手持「長者卡」，適逢今年係「長者卡計劃」推行20周年，社會福利署同香港社會服務聯會（社聯）準備喺嚟緊嘅星期日（...
詳情
相關新聞
