黑武士現身兒童病房
[2014.11.10] 發表
【明報專訊】一班《星球大戰》影迷，噚日化身「黑武士」、「複製兵」與絕地武士，現身瑪嘉烈醫院兒童病房，帶埋激光劍、雷射槍同小朋友一齊玩，鼓勵佢哋勇敢對抗病魔。有病房小朋友話，喺醫院成日瞓覺，見到「黑武士」覺得好開心！多名星戰角色仲同小朋友玩有獎問答遊戲，小朋友可以拎住激光劍同「黑武士」一較高下?。
星戰迷組織做義工
噚日政府新聞網報道，介紹呢群去醫院探兒童嘅「黑武士」，係由3年前成立嘅星戰迷組織「Rebel Legion香港分隊」扮演，?家有大約20個會員。佢哋衣著講究，其中手套跟足戲入面嘅尺寸製造，部分頭盔、鞋喺德國購買，真係好逼真！呢班星戰迷每年都會參加幾次義務慈善活動，例如探訪社區中心、參加奧比斯盲俠行等。
更多港聞
相關新聞
