CY嫌支持者嘈
[2014.09.02] 發表
噚日有幾百個市民趁全國人大常委會副秘書長李飛去政府總部舉行座談會時，喺政總外集會；同一時間特首梁振英(CY)就喺政總內見記者，不過佢連開場白都講唔夠兩句，就神情凝重地擰轉身走咗，隔咗近半分鐘先行番出嚟見記者。佢解釋因為外面有人聲浪比較大，唔想影響記者嘅採訪工作。但Emily發現場外集會嘅，都係來自民建聯同工聯會等撐政府嘅團體，今次CY嫌佢哋嘈，真係傷支持者嘅心喇。
呢批政府支持者喺政總外高呼支持政府落實普選。Emily同集會嘅人講，CY嫌你哋嘈喎，有集會者立即話已經收細音量；不過，都有支持政府嘅市民死都唔信Emily，話「CY唔會嫌我哋嘈」，強調佢哋合法集會，只係嗌出自己嘅心聲。
更多港聞
【明報專訊】有智庫公布全港首個全面「育兒成本計算機」，畀有意生育嘅人簡單計算由媽媽第一日懷孕，直至仔女22歲，喺本地大學完成首個學位課程所涉...
詳情
相關新聞
