李家傑震後餘生設基金

【明報專訊】愛佑(香港)慈善基金噚晚搞咗個傳媒晚宴，恒基「四叔」李兆基嘅大仔李家傑(圖)係創會理事長，佢致辭時話，舊年4月13日佢喺大阪度假，住喺Ritz-Carlton酒店，瞓到清晨5點幾，突然地動天搖，對面嘅高樓好似跳緊扭腰舞咁。佢當時身處33樓，以為死梗，第一時間諗起3個仔智信、智仁、智勇，但諗諗吓又唔使擔心，因為有個千億爺爺。

跟住李家傑諗起嘅，就係佢2009年加入由內地一班民企家發起嘅愛佑基金，而基金幫過5000個患上先天心臟病兒童，自己已不枉此生，死而無憾，喺6.3級地震之下仍可以瞓得番。司儀話佢至今已捐咗億三，幫助7000個病童。

大阪經歷後，佢決定將愛佑基金植根香港，去年成立愛佑(香港)基金。佢話市民捐3萬元就可以救活一個內地病童嘅生命，仲可以喺愛佑網站睇到自己筆捐款幫咗邊個病童，有埋電話，你鍾意可以去探佢?。

更多港聞

劍擊奪獎 財爺讚包拗頸學弟

【明報專訊】喺南京青年奧運會中，港隊喺幾個項目都爭到獎牌，其中劍擊代表蔡俊彥（Ryan）就拎到一面男子個人花劍銀牌、一面洲際混合賽金牌，為港... 詳情

理大研製戰衣助賽艇隊衝金

【明報專訊】韓國仁川亞運9月揭幕，香港賽艇隊今次獲香港紡織及成衣研發中心和理工大學幫手，設計咗一款超薄超輕、貼身透氣嘅隊衣。研究團隊用立體人... 詳情

林瑞麟 憶政改神蹟

【明報專訊】曾主理政改事務多年嘅前政務司長林瑞麟，前年離開政府後去讀神學，即使返咗香港都好低調，無乜亮相公開場合，不過為信仰佢就好熱心，兩星... 詳情