梁美芬贊助撐警有遮派

「撐警大遊行」後，主辦單位喺終點向參加者派遮，好多人爭相領取。（李澤彤攝）

【明報專訊】噚日有市民同退休警員喺烈日下參加「撐警大遊行」，參加者仲有禮物，喺終點領取由立法會議員梁美芬贊助嘅「西九新動力風雨同路」雨傘，唔少人爭相領取。梁美芬同遊行搞手李偲嫣關係密切，佢話今次贊助幾百把遮，又話噚日烈日下非常啱使，而平日都有派開遮畀街坊用。Emily見好多參加者都唔介意遊行後要再排隊攞遮，有人仲一個人拎幾把走。

偲嫣歌頌警方 忘我走音

除咗有遮拎，遊行亦有「表演」睇，有機會聽「撐警大聯盟」召集人李偲嫣開口唱走音歌。撐警大聯盟搵咗林慕德作咗首《香港生命》，偲嫣有份填詞，歌詞讚揚警員「亂世中捨身擋駕……憑着智勇，維護了法治……無私真心奉獻，為我們交出生命」。李偲嫣同幾個盟友本來喺純音樂下帶頭唱歌，但唱咗一陣就發現大家走音兼甩拍子，加上台下市民唔知佢哋唱乜，大會最後唯有播放有人聲伴唱嘅版本。李偲嫣似乎心情好high，唱到好似自己開演唱會咁開心。

更多港聞

保上網 城大研光纜抗震

【明報專訊】2006年台灣地震導致海底光纜被切斷，令香港嘅互聯網同長途電話服務一度中斷，事件令城大電子工程學系講座教授Moshe Zuker... 詳情

跳繩世錦賽 港隊重奪冠軍

【明報專訊】兩年一度嘅國際跳繩運動盛事「世界跳繩錦標賽」，男女子單人速度賽同埋隊員合力嘅「世界盃」賽事都已經順利完成，失落上屆「世界盃」嘅香... 詳情