107件大象雕塑巡遊三商場

太古地產帶咗107隻手繪大象雕塑嚟香港展覽。圖中東薈城名店倉展出20隻宣揚保育嘅大象。（李紹昌攝）

「大象巡遊」嘅雕塑頗有香港特色，例如香港人鍾意嘅「打麻將」玩意都有出現喺大象身上！（李紹昌攝）

【明報專訊】繼早前1600隻紙熊貓「探訪」香港，今個暑假再有瀕危動物光臨本港。為喚醒公眾對保育大象嘅關注，太古地產今年同「大象巡遊」合作，舉行首個「大象雕塑藝術展」，由世界各地帶咗107隻宣揚保育嘅手繪大象雕塑嚟到香港。

保育大象 呼籲停止象牙交易

呢批大象噚日已經浩浩蕩蕩嚟到，佢哋即日起到9月9號，分別喺太古廣場、太古城中心，同埋東薈城名店倉同大家見面。當中唔少雕塑好有特色，例如本港設計師郭秀雲設計、由鯊魚同大象混合而成嘅作品，呼籲大家停止食翅同象牙交易。

來自美國嘅April Rivers就用纖維同鹿骨頭設計一隻純白大象，佢話希望大家能從心底欣賞呢隻大象，所以冇為大象上色。除咗呢百幾隻大象，仲有1700幾件由協康會小朋友親手繪畫嘅小象喺太古城中心等緊大家。

更多港聞

再有9示威者成功踢保

【明報專訊】喺七一遊行後發動「佔中預演」，當中有25個示威者被拘捕，繼前日部分人已經「踢保」，噚日再有9人去中區警署報到，包括街工立法會議員... 詳情

培青社：評論屬「是其是，非其非」

【明報專訊】「香港培青社」喺facebook嘅專頁，近日因為評論學民思潮黃之鋒嘅戀情而備受關注，培青社前晚深夜回覆Emily嘅查詢，佢話主席... 詳情