新疏水材料免積冰 城大發明助防空難
[2014.07.21] 發表
【明報專訊】空難可以係飛機機翼同引擎積冰導致，城市大學機械及生物醫學工程學系副教授王鑽開同佢嘅研究團隊，最近就研製出疏水性能最佳嘅材料表面，能夠快速排除水滴，可以用嚟製造防積冰材料，仲有自動潔淨、抗菌、防腐蝕等功能。呢項研究成果，最近喺國際知名期刊《自然﹕物理》(Nature Physics)發表。
研究團隊話，2009年法國航空公司447航班失事跌落大西洋，可能就係機翼同引擎表面積冰引致，新材料既可預防同類災難重演，亦可用嚟製造空調系統，因為空調嘅蒸發器表面結霜或結冰之後，整體效能會削弱，浪費大量能源，有咗新材料就唔怕積冰，可以慳能源嘞。
更多港聞
相關新聞
