【明報專訊】警方對於今年7．1遊行可謂嚴陣以待，噚日派咗超過1000個機動部隊、衝鋒隊嘅警員，浩浩蕩蕩坐警車駛入黃竹坑警察學院，相信係做佔中部署演練，仲有幾百個學警扮示威者，其間有人大叫「學生運動 遍地開花；沒有抗爭 哪有改變」嘅口號，唔知係咪扮緊學民仔同長毛呢？ 橫額寫「右翼」、「真XX粉力量」 警方對今次演練好花心機，呢班「專業示威者」除咗要拉橫額、叫口號，又要喺適當時候起哄，甚至衝擊警察防線。Emily仲見到唔少道具，好似一幅橫額上面就印有「右翼」二字，另一幅橫額又印咗「真XX粉力量」(圖)咁，可能起名嘅靈感都係嚟自𠵱家嘅社運團體。 不過，警校始終有唔少車出出入入，有批「示威者」瞓喺地下嗌口號途中，就有一架大貨車經過，班「示威者」即刻起身讓路。 (鄧宗弘攝)
|
| |
| |
;){kind=small}
