【明報專訊】全球好多國家支持保護大象，打擊非法象牙貿易。立法會議員葛珮帆(EQ)都為大象發聲，佢今年5月7日去信裕華國貨呼籲停止出售象牙製品，裕華反應好快，5月8日回應即時停售象牙製品。EQ話，裕華國貨係繼中藝公司及永安百貨後，本港第3間正式宣布停售象牙製品嘅企業。 EQ期望政府更積極打擊非法象牙貿易，例如研究立法禁止本地象牙買賣嘅可能。裕華國貨董事長兼總經理余國春話，佢哋相當支持環保及保護瀕危動物，所以願意以行動作為表態。 環境局允銷毁30噸充公象牙 EQ舊年去過斯里蘭卡嘅Pinnawala大象「孤兒院」了解野生大象生存現况，回港後今年提出質詢，要求環境局長黃錦星銷毁充公嘅象牙，局長承諾本月15日將政府庫存充公嘅29.6公噸非法象牙銷毁。
|
| |
| |
;){kind=small}
