馬德里體育會的「街霸射手」迪亞高哥斯達近期紅到發紫，在西甲入球多過美斯及基斯坦奴朗拿度之餘，又快入籍西班牙。但當街霸遇上小頑童，則隨時精彩過西甲大戰，哥斯達訓練時突然踢低場邊一個小朋友之後，呢個細路立即高舉中指反擊。咁有霸氣，難怪街霸都收火笑番晒。

「在場上我會打任何人，簡直控制唔到自己。我每個人都會侵犯，完全唔會尊重對手，我諗我會殺�鼳\�]﹗」迪亞高哥斯達叫得做「街霸射手」，唔係因為佢入球能力驚人，而係在街頭出身充滿戾氣。不過想不到這名街霸除了比賽時經常犯規外，練習時一樣「腳多多」。事緣一名馬體會工作人員的小孩在場邊踢波，而哥斯達不知是否「簡直控制唔到自己」，無緣無故從後把對方踢跌。雖然事後他即時走開「扮無辜」，不過該名「小dee dee」都非善男信女，隨即舉中指還擊，而且足足維持近5秒之久。雖云做人有宗旨係好事，但細細個就咁有「中指」就唔係太好�苤C

細路舉中指還擊

其實環顧整個足壇，都不乏喜歡「蝦細路」之輩(見表)，最有名的事例當數車路士中場夏薩特「怒踢」史雲斯太子爺，不過前者當時求勝心切，而且對方藏起皮球的行為亦非常挑釁，一時火遮眼都算情有可原，但像哥斯達這般無啦啦向細路埋手，則肯定算無品。總之呢次「大小不良」兩個都抵鬧。

YouTube關鍵字：Diego Costa antrenmanda