【明報專訊】《衝上雲霄II》播映完畢，但Cool魔效應無停過，張智霖(Chilam)繼日前強勢加盟新公司，前晚又到迪士尼樂園出席「迪士尼黑色世界」揭幕活動，並與現場觀眾玩遊戲，吸引大批遊客圍觀；Chilam甫出場及每到之處，均惹來陣陣尖叫聲，連司儀小儀也忍不住合照留念，人氣爆燈。

Chilam表示，因兒子張慕童讀國際學校，故對西方節日好清楚，每逢節日都會將屋企佈置得好精彩，萬聖節一家人會悉心打扮之餘，更會應節地向鄰居討糖果。Chilam又說與老婆靚靚(袁詠儀)都喜歡玩鬼屋，雖然驚，但驚得有樂趣，是拍拖必備節目。

同靚靚拍拖玩鬼屋

問到可有被靚靚的尖叫聲嚇親？Chilam笑言﹕「拍拖的時候這個驚嚇當然是Sweet，不過有時間都想重拾這情趣。」他又自爆小時候貪玩好奇，曾與同學到灣仔船街鬼屋探險，當時說到似層層，但現在回想，又好像沒事發生過。

6000萬買豪宅屬誤傳

近排豬籠入水的Chilam，被指豪擲6000多萬買入淺水灣豪宅？他澄清這純粹是一個誤傳，更自爆是一名「樓迷」。Chilam笑說﹕「有人是車迷，但我沒什麼喜歡，就是喜歡睇樓，喜歡看別人的裝修和外在環境，我應該多做這類節目。(何時入市？)待樓價合理點才考慮。」

記者﹕陳釗