【Emily】新一輪資助 為400隻眼除障 受惠者：復七成視力 有番社交
[2025.03.28] 發表
【明報專訊】睛彩慈善基金噚日宣布推出新一輪「助弱除障」資助計劃，為低收入者提供免費白內障手術。今次400萬元善款由周大福醫療基金、淨緣慈善基金同慈善家譚麥美燕捐出，目的係幫適合接受局部麻醉手術、拎緊綜援或長者生活津貼而獲機構義務醫生、社工推薦嘅低收入白內障患者，免費提供術前檢查、白內障手術、單焦距人工晶體、消炎眼藥水同3次覆診機會。
計劃由2021年開始，至今約有300個人受惠，手術由約70名義務眼科專科醫生主理，佢哋又會定期去各區提供眼睛篩查同診症，轉介病人參加計劃。新一輪計劃希望為約400隻眼提供免費治療。
有接受計劃資助嘅白內障患者楊女士喺發布會分享，以前成日長時間唔除隱形眼鏡，不知不覺睇嘢就「矇查查」，甚至因為視力差咗倒瀉熱水而淥親，令佢唔敢出街，成為隱蔽長者；今年初親友鼓勵佢參與計劃，一個月內就除去雙眼嘅白內障，恢復七成視力同有番社交活動。
藝人薛家燕早年都有白內障，佢話原本對手術有好多疑問而覺得好驚，手術後先發現唔痛、過程好短。佢好開心見到嘅嘢變番彩色，仲話康復得好快，一個月就可以跳番「十字步」。
更多港聞
【明報專訊】今年初入境處宣布放寬使用e-道服務嘅適用年齡，噚日處方正式公布，下周一（31日）起，7歲或以上嘅香港永久居民，拎住智能身分證同特...
詳情
【明報專訊】一旦電壓驟降或停電，往往易導致升降機停運困𨋢，實政圓桌立法會議員田北辰噚日喺facebook透露，「成功爭取」機電署將會強制所...
詳情
【Emily】大律師公會慈善包場 請睇看我今天怎麼說
【明報專訊】大律師公會早前擴大法律義助服務計劃，公會噚日包場睇講視障者嘅電影《看我今天怎麼說》，請計劃下4間非牟利組織一齊睇戲同映後座談。唔... 詳情
【Emily】LV寶珊道豪宅搞派對 市民投訴「成座山都聽到」
【明報專訊】奢侈品牌Louis Vuitton（LV）同日本藝術家村上隆合作，喺巴塞爾藝術展（Art Basel）香港展會場館內展示佢嘅作品... 詳情相關新聞
