【Emily】維園花展開鑼 巨型秋英花牆襯花海

今年花展主題花係秋英，場內立體花牆（最後方）用蘭花同康乃馨砌成6朵立體嘅「秋英」，花牆前方有鬱金香花海，預計會係打卡點。（李紹昌攝）

今年花展加入大熊貓元素，會場內有由鮮花拼湊成嘅大熊貓。（李紹昌攝）

今年花展會展出94歲本地藝術家「花婆婆」（圖）嘅作品，婆婆話自細鍾意花，於是喺唔同家具同擺設上畫花圖案。（李紹昌攝）

【明報專訊】一年一度由康文署主辦嘅花卉展今日起至23日一連10日喺維園舉行，朝九晚九開放。今年主題花係「秋英」，配合「綻放英姿」主題。大會為營造沉浸式打卡位，立體花牆用咗1800至2000朵蘭花同康乃馨砌成6朵立體嘅秋英，而花牆前方有由1.4萬朵荷蘭空運到港嘅鬱金香花海。大會話期望兩者互相襯托可以帶嚟華麗視覺效果。

會場內多個大型園林造景就以環遊世界為主題，例如「浪遊歐洲」會有法國薰衣草田、荷蘭風車同希臘藍白小屋；「非洲獵奇」會有用鮮花砌成嘅大猩猩同長頸鹿等。場內大草地加入大熊貓元素，會有由鮮花拼湊成嘅大熊貓。

展出「花婆婆」畫作 設插花示範

除咗鮮花，今年花展會展出94歲本地藝術家「花婆婆」喺不同家具上畫滿花朵圖案嘅作品，亦新設街頭唱歌表演、家居插花示範。

大會話，今年有238個機構參展，嚟自內地、日、韓、新加坡、波蘭同美國等11個國家地區，估計會有約65萬人入場，同往年差唔多，當中約5%至10%係遊客。大會今年特別請咗小紅書網紅嚟宣傳，展覽開支約5000萬元。

更多港聞

【Emily】AI辨識屋邨高空擲物 捉到元兇

【明報專訊】舊年特首公布嘅《施政報告》提出「智慧屋邨管理」，選定10條公共屋邨做試點，喺日常管理引入數碼科技。房屋局長何永賢噚日喺社交媒體發... 詳情

【Emily】宣傳兩會精神 民建聯一日辦兩分享會

【明報專訊】全國兩會日前閉幕，國務院常務副總理丁薛祥喺北京會見港區人代政協時，希望佢哋帶頭宣傳及落實全國兩會精神，民建聯噚日隨即舉辦兩場兩會... 詳情

【Emily】愛爾蘭高官來港過節 想「取經」建築

【明報專訊】愛爾蘭每年都慶祝聖博德日（St Patrick's Day），唔同部長都飛去世界各地見愛爾蘭社群，今年就係房屋部長James B... 詳情

【Emily】港鐵App自動波畀路線 可買都會票

【明報專訊】港鐵噚日升級咗MTR Mobile手機App，新增個人化資訊，首頁會顯示經常前往嘅目的地建議路線，以及下一班車到站時間，下個月初... 詳情

【Emily】荃濱又臭過因清淤 料月底完成

【明報專訊】荃灣海濱臭味存在廿幾年，主因係渠管錯駁，舊年政府話透過修復錯駁渠已改善八成，惟近期有市民反映臭味重臨。民建聯新界西南議員陳恒鑌噚... 詳情