【Emily】科大拍賣「校友」黃仁勳皮褸籌款 校友北京聚會 奏普通話版校歌

[2025.03.12] 發表

【明報專訊】英偉達(Nvidia)創辦人黃仁勳鍾意著皮褸，舊年佢來港接受科大頒授榮譽博士學位，著住印有科大英文縮寫「HKUST」嘅皮褸亮相。科大校董會主席沈向洋日前喺北京出席校友活動時透露，5月將會拍賣黃仁勳捐畀科大嘅皮褸，同埋沈自己嘅皮褸，收益捐畀科大基金，佢又形容黃仁勳已成為科大校友。

科大啱啱過去禮拜日喺北京嘅香港馬會會所舉辦校友聚會。根據科大校友事務處社交網站，沈向洋喺致辭時話大學最寶貴嘅「產品」就係學生，學生質量代表學校質量，而科大學生同學校嘅質量都非常好。

校長葉玉如就介紹科大最新發展，包括積極推進籌建香港第三間醫學院。除咗身兼人大嘅葉玉如喺北京，身兼基本法委員會副主任嘅科大前副校長黃玉山都有一齊見下校友。

根據帖文，活動期間奏起科大2023年推出嘅校歌普通話版，同埋有抽獎環節，送出限量版科大大富翁、科大智力拼圖萬年曆。

更多港聞

【明報專訊】律師會推動修例引入律師樓可用律師法團模式營運，立法會司法及法律事務委員會周五（14日）會傾呢個議題。Emily留意到，由法律界議... 詳情

【明報專訊】上月有休班醫護喺荃灣西站外為途人急救時，港鐵職員被指未有提供心臟除顫器（AED）。「中科監察」主席潘焯鴻日前發帖話，港鐵更新咗職... 詳情

【明報專訊】全國人大會議噚日喺北京閉幕，唔少人代趁機交朋友、影相打卡。港區人大代表、教聯會主席黃錦良就話，噚日有幸同小米集團董事長雷軍隔一個... 詳情

【明報專訊】「台上一分鐘，台下十年功」，演粵劇對一般人並唔易，對唐氏綜合症患者就更需額外嘅努力同堅持。「唐氏粵劇團」喺本月21日「世界唐氏綜... 詳情

【明報專訊】近日有不法分子偽冒物流平台「菜鳥」，用SMS向市民發假嘅物流通知，誘騙佢哋點擊釣魚連結，以盜取個人資料同財務信息。菜鳥香港噚日宣... 詳情