誤信朋友輸孖展蝕「棺材本」 陳志雲身家餘500萬晴天霹靂
[2024.09.24] 發表
【明報專訊】陳志雲近日接受商台節目《點算幸福》訪問分享人生經歷，除提到纏繞幾年的官司外，還自爆兩三年前輸孖展慘蝕「棺材本」，當時身家餘下500萬，形容為「好艱難」時期。陳志雲自言一向不喜歡別人為自己投資，當時錯信朋友而誤墮投資深淵，對方為他購買風險極高的孖展，「嗰筆係我好大好大嘅錢，係我嘅棺材本，我要好穩健」。直到有日該朋友叫他入300萬到戶口，他斷然拒絕，「佢意思係填倉，我好堅決講唔會再入，叫佢睇吓手頭上有咩可以賣嚟填倉，嗰時真係好煎熬，因為真係一筆好大嘅錢，完全瞓唔到，要食鎮靜劑先可以睇銀行月結單，真係手都震」。最後他發現棺財本只餘下500萬，「一打開個信封嗰刻真係晴天霹靂，我最後打咗個好長嘅WhatsApp畀嗰個朋友，我唔係話佢，係要表達自己嘅失望，含恨不可到落日，都冇得嬲咁多」。
一度考慮移居
陳志雲表示止蝕後內心感到強烈平安，因為不用再想蝕幾多，「我冇嘢可以蝕，可能嗰啲嘢本來唔屬於我呢，其實我都唔係冇咗，只係返番去原本咁樣啫」。他感到不舒服是若有朋友需要金錢上幫忙，自己亦幫不了，從中學會一個道理，「好多時，我哋嗰吓都係睇到自己好慘，長遠去睇你所失其實係你所得嘅。同埋我學習到『理財』兩個字嘅意義，財係一定要理，你唔理財，啲財就唔理你㗎啦。冇得怪㗎，都過咗啦，冇得如果㗎」。他又透露曾想離開香港，當時將家俬寄到台灣，搬到一間服務式住宅暫住半年，正為處理移居的事而煩惱時，望住出面的維港海景，再問自己：「呢度係香港望到嘅星星，我諗吓：『做乜要我走啫？』」他在香港長大，最珍貴的人和事都在香港，最後決定留下。
娛樂組
更多影視
【娛樂場】「懷念徐少強」 重溫大俠經典影視作品
【明報專訊】徐少強1970年代加入娛樂圈，武師出身，外形與身手了得而成為演員，早年在電視與電影的大俠形象深入民心，圈中人稱他「徐大俠」。徐少... 詳情
小紅書網民夏威夷「野生捕獲」樂壇天后母子 安室奈美惠引退6年狀態佳
【明報專訊】上周五（20日）是日本樂壇天后安室奈美惠的47歲生辰，也是她退出藝能界的6周年，自2018年9月至今，她一直深居簡出，樂迷只能透... 詳情
珍納積遜誤稱賀錦麗「不是黑人」 經理人代道歉即被解僱
【明報專訊】樂壇天后Taylor Swift、金像影后梅麗史翠普（Meryl Streep）及茱莉亞羅拔絲（Julia Roberts）等表... 詳情相關新聞
