【Emily】84.2%長者有上網 升2.4百分點
[2024.06.28] 發表
【明報專訊】本港流動支付應用愈嚟愈普及，根據政府統計處噚日出版嘅《主題性住戶統計調查第80號報告書》有關互聯網及個人電腦普及程度嘅調查結果，流動支付使用程度連續6年上升，舊年有64.9%嘅15歲及以上市民喺統計前12個月內曾使用流動支付，比起2018年(35.8%)多近一倍。
調查亦顯示，銀髮族使用互聯網亦愈見普及。65歲及以上人士喺統計前12個月內曾使用互聯網嘅比率由2022年嘅81.8%，上升至舊年嘅84.2%，升咗2.4個百分點。整體使用者之中，最多人用手機上網，佔99.7%。調查亦發現，舊年男性曾用互聯網、識用個人電腦及曾用個人電腦嘅情况，都較女性普遍。
有電腦保安措施 較前年跌3百分點
另外，網絡安全事故近期有上升趨勢。針對個人電腦嘅資訊保安情况，2023年有超過300萬個擁有個人電腦嘅10歲及以上人士有為其個人電腦執行保安措施，佔比較前年同期跌3個百分點，由94%跌至91%，用戶最普遍嘅保安措施為「安裝／預先安裝保安軟件並定期更新有關軟件」。
更多港聞
【Emily】周凱旋資助DSE考試費 1.7萬女生合資格
【明報專訊】政府下年停止為中學文憑試（DSE）學校考生代繳考試費，周凱旋（圖）基金會今年4月宣布，將向下年應考DSE嘅全日制女學生派發330... 詳情
【Emily】經民聯新質生產力報告 AI唱作主題曲
【明報專訊】中央政府提出發展「新質生產力」，經民聯噚日發表研究報告，仲以人工智能（AI）為報告創作主題曲。經民聯倡議本港聚焦發展先進電子部件... 詳情
教局委8人進駐大成校董會 兩人分別曾處理興德及李東海小學事件
【明報專訊】辦學團體孔教學院決定停辦大成小學，惹校長及部分校董不滿，教育局早前宣布學校管理失效，委任校董加入法團校董會。局方昨公布8人名單，... 詳情
男生發明自動買餸車 免試入科大 「想幫公公婆婆」
【明報專訊】具特別才華的學生，可透過學校推薦直接錄取計劃（SNDAS），早於中學文憑試（DSE）放榜前獲大學取錄。創科比賽「常客」朱兆邦經S... 詳情
相關新聞
