【Emily】私隱署計劃 鼓勵青年用AI要尊重私隱
[2024.04.12] 發表
【明報專訊】私隱專員公署今年將舉辦「AI新世代保障私隱領袖培訓計劃」，畀學生透過參加專題講座、同保障資料主任交流、參與同微軟香港合辦嘅人工智能實踐工作坊，認識保障個人資料同埋符合道德嘅AI應用標準。私隱專員鍾麗玲引述調查話，近八成港青用過生成式人工智能，佢期望青年用新科技時亦要學識保障個人資料同埋尊重他人私隱。
有關領袖培訓計劃屬於公署「保障私隱學生大使．學校伙伴嘉許計劃」嘅5項「保障私隱任務」之一，更係今次新增嘅「特別任務」。嘉許計劃喺2011年開始，根據活動網頁，2020同2023年都停辦，今年再舉行係期望鼓勵全港中學締造尊重及保障個人資料私隱嘅校園環境。參加嘉許計劃嘅學校按照其完成「保障私隱任務」數量，會獲頒唔同級別嘅徽章，而完成領袖培訓計劃嘅學生就會有證書，表現優異嘅仲有獎品𠻹。
更多港聞
精神病中小生5年增兩倍 教局：加強支援精神健康 上學年開支8700萬
【明報專訊】近年學生精神健康情况備受關注。教育局向立法會特別財委會提交數據，顯示過去5年，患精神病的中小學生人數增逾兩倍，即由2018/19... 詳情
相關新聞
