【Emily】1999年上任 請唔到人 劉靳麗娟續做女拔校長
[2024.02.01] 發表
【明報專訊】名校拔萃女書院嘅校長劉靳麗娟(圖)由1999年起上任，在任至少24年，原定做埋今個學年就退休，不過學校校監余嘉寶噚日就向家長、教職員及學生等發通告，表示經過一段時間努力，仍未物色到適合人選接任校長一職，因此宣布劉太繼續留任。拔萃女書院早於前年招聘校長，並要求今年9月新學年到任，最終校方未招聘到新校長。校方噚日通告未有交代劉太留任嘅年期、招聘程序會唔會繼續。
未交代留任年期續招聘否
劉靳麗娟係財經事務及庫務局前局長劉怡翔嘅太太，曾在女拔讀書，之後去咗加拿大讀大學，1990年返母校教書，1999年擔任校長至今。劉太以往擔任多項公職，係現任學界體育聯會董事會主席，亦做過6年婦女事務委員會主席。
劉太另外係青海省第11屆政協委員，政協網頁資料顯示佢1954年8月出生，即係現年69歲。根據《教育條例》，資助學校嘅教員及校長嘅退休年齡係60歲，不過法例對直資學校就冇特別規定。Emily問學校有冇訂明退休年齡、劉太今次任期幾耐、招聘校長程序會唔會繼續，截稿前未獲回覆。
更多港聞
【Emily】或上門探多病假員工 城巴被指組射波關愛隊
【明報專訊】有時打工仔請病假「射波」，老闆明知係員工偷懶，但又好難唔批病假，不過城巴就似乎已經諗到計仔反擊。近日網上流傳一張城巴上星期六發出... 詳情
【明報專訊】政府力推「盛事經濟」，文化體育及旅遊局噚日回應立法會選委界別議員馬逢國提問時交代，去年「M」品牌計劃活動有15項，其中13項有申...
詳情
【明報專訊】民建聯選委界別議員郭玲麗噚日喺立法會提口頭質詢，關注當局應對年輕人處理干犯毒品罪行嘅情况，新民黨何敬康發言時，提議禁毒處搵時下人...
詳情
【Emily】今卸任中大院長 陳家亮讚同事敢創新
【明報專訊】中文大學醫學院院長陳家亮（圖）今日卸任，由同為中大校友嘅趙偉仁接棒。陳家亮噚日最後一次以院長身分執筆，以「俯首甘為孺子牛」為題，... 詳情相關新聞
