【Emily】中大校董會改組 立會邀公眾意見
[2023.07.26] 發表
【明報專訊】立法會噚日邀請公眾就中大校董會改組嘅條例草案表達意見，有興趣嘅人或團體可以喺下星期一(31日)下晝5點或之前提交網上表格同意見書，或者以電郵方式遞交。法案委員會周五(28日)將第二次開會，逐條審議草案。主席梁美芬上次開會時，以唔能夠排除出現人身攻擊為由，拒絕召開公聽會，決定只接收書面意見，又話會篩走涉及人身攻擊嘅意見，唔轉發畀議員參考。
有校董不滿立法會議員張宇人喺未經校董會決議前就將草案交畀立法會，上周六(22日)發起網上聯署提出反對建議，截至噚晚6點有超過1100人響應。有份發起聯署嘅中大校友評議會選任校董林偉雄話暫未就聯署設時限，適當時候會將意見書轉交法案委員會。
更多港聞
相關新聞
