【Emily】李宣傳片中企理「蛇巷」 轉角有人小解
[2023.07.22] 發表
【明報專訊】特首李家超上任後，好快就提出打擊全港衛生黑點嘅措施，噚日佢喺社交平台發布有關《施政報告》諮詢嘅短片，亦講到呢項任務，提到長沙灣道171號旁邊嘅後巷「蛇巷」，仲搵嚟南昌街「蛇王業」店主張成受訪，話條後巷以前堆滿雜物，十幾年嚟都行唔到，但佢聽聞有電台聽眾致電反映「蛇巷」嘅問題後，好快就有政府部門清理兼清潔。
睇番影片中嘅「蛇巷」，拍攝當日陽光普照，完全見唔到有雜物堆積，甚至坑渠都唔多覺有污水。張成仲話，以往政府嘅清潔行動好多時好快就故態復萌，今次過咗一年都保持得咁好，大讚政府做到嘢。Emily嘅同事噚日去蛇巷睇過，發現都尚算乾淨，只係見到個別煙民入去食煙，之不過，一走到盡頭轉彎相連嘅後巷，就見到有「人有三急」者就地小解。
睇番政府打擊衛生黑點計劃嘅網頁，蛇巷正係重點打擊對象，衛生問題主因係有個女士長期霸佔後巷堆積大量雜物，仲養貓狗，惹嚟嚴重衛生問題同鼠患，政府一夜間清晒雜物，之後仲裝幾部攝影機，系統可透過比較照片確定可能係垃圾嘅物件，唔使靠人實時巡邏。
更多港聞
【明報專訊】香港工程師學會噚日同6間企業簽署合作約章，推廣工程專業，培育下一代工程人才，日後有份參與並符合資格嘅企業學員，透過為期兩年嘅「工...
詳情
【明報專訊】早幾日打8號風球，一般人想出街搵飯食都唔容易，監獄都係。立法會前議員邵家臻不時去探監，佢噚日喺社交平台話，等候區先係監獄嘅「資訊...
詳情
【Emily】參觀路署「組裝合成」升降機 議員盼「起得快啲平啲穩定啲」
【明報專訊】立法會交通事務委員會3個成員噚日去咗路政署，參觀署方點用3D打印技術，製成「組裝合成」升降機結構模型，預先喺廠房完成裝嵌升降機塔... 詳情相關新聞
