【Emily】議員問規管打機否 醫衛局：優先處理吸煙酗酒

【明報專訊】世界衛生組織喺2019年將電子遊戲上癮列為精神疾病，立法會選委界別議員陳沛良關注政府會唔會推出防止青少年打機上癮嘅措施，例如規定必須以實名註冊電子遊戲帳號，或者限制打機時間。醫務衛生局長盧寵茂回覆話，打機成癮嘅成因同影響仍有待更多研究，加上醫學界對點樣有效診斷、治療或預防呢個病未有廣泛共識，政府現時無計劃就此規管電子遊戲。佢話，喺公共衛生角度嚟講，吸煙或酗酒成癮會影響公眾健康同醫療系統，現階段需要較優先處理。

盧寵茂又話，政府無備存因為打機成癮而求助、出現嚴重精神問題、或導致輕生嘅個案數字，佢認為相關問題值得社會關注，當局會繼續留意打機成癮喺公共衛生層面構成嘅影響。佢亦指出，教育局有鼓勵學校適當加入「網絡成癮」、「預防網上陷阱」等課題去教學生正確咁用互聯網，亦喺家長教育網頁「家長智Net」上載處理青少年沉迷上網嘅影片同文章，畀家長參考。

更多港聞

【Emily】每年3000蛇出沒求助 非緊急情况 環境局叫打1823

【明報專訊】香港鄉郊不時有蛇出沒，民建聯新界東南議員李世榮喺立法會大會提出書面質詢，關注政府相關工作，又問如果市民喺非緊急情况發現有蛇出沒，... 詳情

【Emily】經港返台 吾爾開希機場自拍

【明報專訊】八九民運學生領袖之一吾爾開希目前定居台灣，早排佢去完印度後，取道香港返台，喺香港機場禁區等候區自拍咗一張相，上載到其facebo... 詳情

【Emily】孫東訪漢堡 鼓勵半導體廠擴港業務

【明報專訊】創新科技及工業局長孫東呢排去咗德國外訪，繼出席2023年亞洲柏林峰會，同柏林市長會面後，孫東轉咗去漢堡到訪安世半導體製造廠（Ne... 詳情