• 2023.06.13
    星期二

【Emily】唞啖大氣 再打孖上

[2023.06.13] 發表
泄氣嘅黃鴨噚日朝早運番去維港,用咗兩個鐘「吹脹」,雖然噚日都幾熱,但唔少市民擔住遮都要直擊黃鴨回歸。(楊柏賢攝)
昂坪360推出《橡皮鴨二重暢》及小黃鴨慈善義賣活動,噚日仲有藝人林明禎同小黃鴨一齊賣萌宣傳。(讀者提供)

【明報專訊】喺維港展出嘅巨型黃鴨,其中一隻上個星期六因為天氣太熱而要「放氣」,主辦方喺檢查後,噚日泄氣嘅黃鴨已經「游」番去維港,就好似做人咁,太大壓力就要唞一唞,𠵱家「扁皮鴨」變番脹卜卜,同另外嗰隻齊齊同大家打卡。

主辦單位前日用躉船將「鴨皮」連底座吊離水面,運去青衣船廠維修。噚日朝早大約10點,一艘躉船將「鴨皮」運番去金鐘添馬公園對出嘅維港,工作人員之後幫黃鴨充氣,兩個幾鐘頭後孖鴨再現,繼續有唔少市民來到打卡留念。

昂坪推黃鴨泡泡浴纜車

期間限定 好彩先搭到

另外,昂坪360今日起推出「《橡皮鴨二重暢》遊昂坪360」活動,設有多個黃鴨主題裝置,包括「橡皮鴨泡泡浴主題纜車」,昂坪市集內又有約兩米高嘅「巨大化透明浴缸」裝置同埋特設夢幻浴室場景。另外,昂坪市集「香港有愛」禮品店義賣首批1000隻橡皮鴨,每隻50蚊,收益會用嚟做善事。

昂坪360亦推出「期間限定」嘅泡泡浴主題纜車,車廂以白色浴室為靈感,配上橡皮鴨圖案,畀乘客同橡皮鴨一齊體驗纜車之旅;呢部纜車會喺6月13日至9月3日不定時畀幸運嘅乘客搭,另外亦會有兩架「飛天橡皮鴨」不載客纜車,市民可以喺6月13日至25日留意「飛天鴨」翱翔大嶼山。

更多港聞
【Emily】立會餐廳試菜 陸瀚民力捧梅菜扣肉
【明報專訊】立法會餐廳上年9月底轉咗營運商,噚日再次搞試菜活動,邀請議員去試食8款新菜式,包括燒春雞意粉、鮮蝦雲吞麵、梅菜扣肉、蜜豆炒西芹等... 詳情
【明報專訊】自從全面通關之後,好多立法會議員都頻頻趁會議空檔外訪、內訪,嚟緊周末喺福建舉行嘅2023年海峽論壇,選委界別嘅吳傑莊(Johnn... 詳情
【明報專訊】立法會仲有大約一個月左右就放暑假,10月復會,唔少議員已開始安排「放假」期間嘅外訪工作。Emily近日翻查立法會文件,發現喺立法... 詳情
【明報專訊】本報噚日報道,用導管餵食嘅嚴重智障者只可以申請輪候入住小欖醫院,嚴重弱智人士家長協會引述社署話,初步考慮容許透過殘疾人士住宿服務... 詳情
習七一講話納教材 倡公民科兩節教授 教局建議討論「愛國者」標準等
【明報專訊】國家主席習近平去年7月1日訪港發表講話後,政府頻密舉辦「習思想」座談會,教育局曾向老師派送講話的單行本。事隔近一年,教育局近日上... 詳情

明報網站 · 版權所有 · 不得轉載
Copyright © 2021 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Vancouver Chinese Newspaper

5368 Parkwood Place, Richmond B.C. V6V 2N1 | Tel.: (604) 231-8998 | Fax: (604) 231-9881/9884 | Advertising Hotline Tel.: (604) 231-8992