【Emily】狄志遠擬辦傷健遊行 如掛牌寧取消 稱警反應正面 願心口貼貼紙識別
[2023.04.28] 發表
【明報專訊】原擬五一勞動節前或當日舉行集會遊行嘅團體，已先後撤銷申請，新思維社福界議員狄志遠噚日透露，計劃最快下月底舉辦遊行，爭取成立殘疾人士委員會，預計有100人參加。佢同Emily講，初步已同警方溝通過，對方反應正面，但未傾細節。狄志遠講到明，參加者願意喺手臂綁絲帶、心口貼貼紙做識別，但如果好似之前嘅遊行咁，參加者要掛有號碼嘅頸牌，佢就寧願取消遊行。
狄志遠仲話，如果警方要求參加者唔可以戴口罩，就唔多合理，因為唔少參加者係傷健人士，唔戴口罩有健康風險，希望警方唔好設呢個限制。
將軍澳開地辦鋪路區選
另外，新思維喺將軍澳寶林邨開辦事處，由本身係旅遊促進會總幹事、近日不時為訪港旅行團受訪嘅副主席崔定邦做辦事處總幹事，狄志遠明言，開地辦係為今年11月可能舉行嘅區議會選舉鋪路，另一目標「選區」就係油尖旺。至於係咪會由崔定邦出選，崔定邦就不置可否，只係話自己工作已經好忙。
狄志遠仲搵埋前民主黨北區區議員莫兆麟「出山」幫手搞地辦，不過莫兆麟講明唔係入黨，而自己仲有份正職，今次係純粹幫手。
更多港聞
【Emily】黃偉綸：做記者可享中產生活 如問責官
【明報專訊】由香港恒生大學舉辦嘅「第七屆恒大商業新聞獎」噚日舉行頒獎禮，副財政司長黃偉綸致辭時寄語記者，如果努力工作，前途將會理想，「（做記... 詳情
【Emily】港大學會今舉辦 獲邀人工島論壇 發展局：受邀者因事缺席
【明報專訊】發展局噚日公布咗交椅洲人工島「公眾參與」活動結果，而港大學生會社會科學學會今日中午12點將舉辦「明日大嶼．香港未來？」論壇，探討... 詳情
【明報專訊】新冠疫情爆發3年，唔少立法會議員先後染疫，而之前從未「中招」嘅民建聯選委會界別議員葛珮帆，近日終於「失守」確診，佢噚日喺face...
詳情
【Emily】港島聯「關愛基金」資助關愛隊 已籌733萬
【明報專訊】荃灣、南區率先試行關愛隊，其中香港島各界聯合會（港島聯）喺南區17個小區投得12隊關愛隊。港島聯為支持關愛隊工作，將於各區成立「... 詳情
末代通識試題 教師料公民科參考 連續3年不問政治 必答題「歷屆最易」
【明報專訊】通識教育科中學文憑試（DSE）昨正式畫上句號，明年將全面由公民與社會發展科取代。通識兩卷連續3年「政治題」絕迹，「末代」試題問及... 詳情相關新聞
