【Emily】話整體香港都唔正常 楊何：公僕辭職增屬「唔正常嘅正常」
[2023.04.12] 發表
【明報專訊】2021/22年度公務員辭職人數係回歸以嚟新高，公務員事務局長楊何蓓茵噚日出席立法會特別財委會時，畀議員追問政府有無方法止血、挽留人才。楊太話本港整體勞動人口減少，各行業都搶人才，形容公務員辭職情况屬於「唔正常裏面嘅正常，整體香港都唔正常」，當局會加速招聘，考慮壓縮招聘程序。
本報日前報道，公務員辭職人數持續攀升，2021/22年度有3734人辭職，佔編制1.89%，約50個政策局及部門辭職率高於整體比例。噚日多個議員對政府處理問題有意見，例如做過保安局長嘅新民黨黎棟國質疑，當局要評估辭職人數到乜嘢程度先算響起警號，同埋會唔會考慮增聘內地大學畢業嘅港人。選委會界別蘇長荣就話局長唔應該將政府同私人市場比，「如果政府無人，咁點辦？」
被問應對 話擬壓縮招聘程序
楊何蓓茵話政府都有加快招聘，包括壓縮程序，至於長期缺人嘅職系會考慮全年招聘。至於本報早前報道知識產權署流失率冠絕政府部門，楊太話係因為編制基數細。
民建聯葛珮帆質疑政務主任(AO)制度好難「請走」表現唔好嘅官員，要將表現差者評核「寫好」先可以調走佢，要求政府改革AO制度。楊太就唔同意呢個說法，話𠵱家常秘同署長都係升得快，如果政務官表現唔好，其他部門、同事、立法會等都會知道。
更多港聞
【Emily】故宮館「卡地亞展」 盡覽王妃巨星珍藏
【明報專訊】香港故宮博物館同卡地亞（Cartier）舉辦嘅特別展覽「百樣玲瓏——卡地亞與女性」噚日舉行開幕禮，展覽由星期五（14日）至8月1... 詳情
【明報專訊】「陳校長免費補習天地」（補天）正招募5000個義工，喺6月17日（星期六）父親節前夕一齊幫手賣旗，籌得嘅善款會用作基層學生免費學...
詳情
【明報專訊】今年度第一期消費券將喺周日（16日）發放，各大商戶噚日已經提早推出優惠搶攻市場。有零售業工會認為，由於經濟未完全復蘇，覺得市民會...
詳情
【明報專訊】港鐵前主席馬時亨雖然已係半退休狀態，但仍然百足咁多爪，又做公司非執董，又搞教育，近年仲做埋電視節目主持。佢舊年主持電視節目《馬時...
詳情
相關新聞
