【Emily】迎通關 議員深圳食消夜擺街站 江玉歡深夜過關 郭偉強籲市民需要可求助
[2023.02.07] 發表
【明報專訊】內地與香港噚日(6日)起全面通關，多名立法會議員把握機會北上。其中選委會界別江玉歡(Doreen)同吳傑莊(Johnny)前晚約11點半去到落馬洲管制站，排隊預備凌晨零時經皇崗口岸過關，仲喺關口遇到一名內地公安歡迎佢哋「回家」。兩人去到深圳水圍仲食埋消夜後返港，Doreen話，當地唔少餐廳開到深夜，可以感受到內地市民對香港人嘅熱情同期待。
工聯會議員郭偉強噚日朝早就聯同多名義工去深圳羅湖口岸外擺街站，佢話工聯會於內地設有6個諮詢服務中心，呼籲市民喺當地有任何需要，可以向佢哋查詢求助。同屬工聯會嘅鄧家彪就經新開放嘅蓮塘/香園圍口岸過關，佢話過程非常順暢，到達深圳後更獲送贈一支紅玫瑰同防疫包，回港時亦有旅發局職員派發禮物包。
鄧家彪試用蓮塘口岸過關梁熙率團龍崗考察
至於民建聯梁熙就率領一眾青年民建聯成員到深圳龍崗區考察，佢建議香港參考內地經驗，以小區為基礎作地區管治，解決資源分散嘅問題。佢哋亦到福田「深港科技創新合作區」，了解當地創科佈局同發展。
更多港聞
【Emily】田北辰見財爺 倡為公共事業加價「封頂」
【明報專訊】距離《財政預算案》公布有兩個多星期，財政司長陳茂波繼續接見唔同議員同團體聽意見。實政圓桌召集人田北辰就關注公共事業加價問題，噚日... 詳情
【明報專訊】新民黨立法會議員何敬康（Adrian）早前同黨友去澳門考察，除咗見佢阿叔，即全國政協副主任、澳門第一任特首何厚鏵外，仲去咗澳門科...
詳情
【明報專訊】由張婉婷執導嘅紀錄片《給十九歲的我》因拍攝同公映問題引起爭議，最終暫停公映，連帶唔少曾經推介過該電影嘅人都受「牽連」，其中立法會...
詳情
【Emily】為防癌會籌款 張達明再偕仔女跑渣馬
【明報專訊】渣打馬拉松星期日舉行，久未露面嘅港大法律學院首席講師張達明都有參加比賽，噚日佢喺社交平台話，會同仔女一齊跑渣馬，為香港防癌會張謝... 詳情相關新聞
