【Emily】4新丁議員申報 何敬康新界有農地
[2023.01.04] 發表
【明報專訊】立法會早前就4個選委會界別議席補選，Emily近日翻查4名新丁議員嘅個人利益登記冊，各人都有申報土地、物業，其中澳門前特首何厚鏵侄仔、新民黨成員何敬康(Adrian)就申報擁有新界農地，Emily仲對比番公司註冊處同立法會申報嘅資料，發現Adrian出任3間公司嘅董事，但無向立法會申報。
Adrian同Emily解釋，農地係屋企嘅，位於坪輋一帶，佢自己無乜點理過；至於公司方面，佢話啲公司已經多年無運作，佢亦無受薪，股份都一早轉晒出去，其中「救救香港有限公司」屬擔保公司，將來或者用嚟做慈善，所以之後會補番申報。
其他新丁議員個個都有樓，黃錦輝申報自己喺香港同英國有物業，陳永光就喺九龍區各有一個住宅同商用物業，尚海龍喺深圳福田區有物業。除咗受薪董事，唔少議員都會申報埋非受薪職位，黃錦輝申報咗23項咁多，大部分同資訊科技有關，包括香港科技創新聯盟副主席兼秘書長、香港資訊科技協會榮譽會長等，但都有看似同科技無咁大關係嘅，例如係九龍表行董事、金融糾紛調解中心董事。
更多港聞
【明報專訊】政府早前宣布成立「特首政策組」，由立法會前議員黃元山出任組長。Emily噚日翻查政府電話簿，發現政府已委任3個副組長，其中王春新...
詳情
【Emily】香港國際象棋賽 11歲星選手膺棋王
【明報專訊】一連4日嘅首屆香港青少年國際象棋亞洲紫荊邀請賽噚日閉幕，由11歲嘅新加坡選手王言劭奪得首屆「小棋王」，菲律賓隊就喺隊際賽表現最佳... 詳情
升中復辦面試 聖若瑟書院佔分50% 盼觀察談吐舉止 取錄較「活」學生
【明報專訊】今年9月升讀中一的自行分配學位階段昨日展開。隨着社會在新冠疫情下步向復常，中學可選擇恢復實體面試。本報查閱10多間傳統名校的網站... 詳情
相關新聞
