【Emily】視網膜脫落做手術 鄧家彪「單眼」開會
[2022.11.15] 發表
【明報專訊】工聯會立法會議員鄧家彪因視網膜脫落，上周接受視網膜手術，休養一星期後噚日復工，出席立法會福利事務委員會會議，左眼戴咗眼罩同包住紗布。佢同Emily講，手術後左眼眼球發紅，加上視力未恢復，所以戴眼罩保護；而由於戴住眼罩，佢近期主要出席會議，相對較少落區。
鄧家彪話左眼手術後視力未完全恢復，主要只見到光影，睇文字會較朦朧，唔可以長期睇文件同用電腦，出席立法會會議就無乜問題。佢話由於自己暫變相只係得番右眼視力，所以出街有時睇唔清楚，擔心撞到人，戴眼罩後希望其他人意識到佢眼睛有傷，會讓一讓佢。鄧家彪提到疼痛等手術副作用基本上已消退，等眼睛完全消炎後就可以除眼罩，不過視力可能要大半個月先完全恢復。
更多港聞
【明報專訊】「搶人才」成為熱話，特別係創科人才。噚日立法會一個委員會上，有議員話希望政府唔好空談口號，行動上都要主動出擊。創新科技及工業局長...
詳情
【明報專訊】特首李家超上任4個幾月，特首辦話禮賓府嘅維修工程已經完成，李家超近日已搬入禮賓府，政務司長陳國基同律政司長林定國嘅官邸仲維修緊，...
詳情
【Emily】邵家臻偕民主黨林子健探監 染疫康復 戴耀廷無腦霧但體力差咗
【明報專訊】因「35+初選案」被控違反《港區國安法》嘅港大法律系前副教授戴耀廷（Benny），還押期間確診新冠病毒，噚日去探佢嘅立法會前議員... 詳情
相關新聞
