【Emily】黎棟國叫聶德權考慮選立會 新聞處長內部遴選入尾聲
[2022.06.21] 發表
【明報專訊】被視為特首林鄭月娥「愛將」嘅公務員事務局長聶德權唔過渡新政府，噚日喺立法會一個事務委員會上，幾個議員都多謝佢任內付出。做過保安局長嘅新民黨議員黎棟國話議員會懷念聶德權，半講笑叫聶德權唔好休息太耐，問：「唔知你有冇興趣考慮吓參選立法會議員呢？」
聶拒談組班期有否同李家超傾過
不過，聶德權會議期間就無回應呢個講法。會議後聶德權就話，無論政府內外，佢服務市民、建設香港、服務國家嘅初心都無變，並祝願新政府一切順利，呼籲社會團結支持新政府。佢話，為過去30年擔任唔同崗位同服務市民、報效國家深感光榮，會緊守崗位直到任期完結，對於新政府組班期間有無同候任特首李家超傾過，佢就話唔評論喇。
另外，聶德權喺會議上話，去年12月起懸空嘅政府新聞處長，內部遴選進入尾聲，除咗新聞處職系，成個政府一般職系、專業部門或紀律部隊都可以報。至於政府早前選出部分首長級公務員空缺可於內部或者公開招聘，佢話當內部競爭不足，或有外間的人勝任，就會開放招聘。
更多港聞
【Emily】卡數事件 CY：美國運通向妻致歉
【明報專訊】美國運通月初入稟區域法院，向全國政協副主席、前特首梁振英（CY）嘅妻子唐青儀追討9.3萬多元卡數同逾期還款費用，梁太之前同本報講... 詳情
【Emily】林鄭讚陳帆「身兼兩局職」任勞任怨
【明報專訊】你方唱罷我登場，候任特首李家超新班子前日公布，現屆政府任期進入最後倒數。外界形容特首林鄭月娥班底喺新班子近乎「清零」，5年前獲林... 詳情
【Emily】麥美娟入仕 容海恩貼婚照讚好姊妹
【明報專訊】工聯會立法會前議員麥美娟（Alice）將出任民政及青年事務局長，新民黨議員容海恩（Eunice）噚日喺facebook發布自己當... 詳情
【明報專訊】緬甸軍方政府同反軍政府部隊嘅衝突持續，呢個時候傳出香港政府因為贊助活動喺緬甸捲入公關事件，被緬甸當地人權組織點名批評撐親軍方商家...
詳情
相關新聞
