【Emily】在英鄭家朗推教材 盼保留港價值
[2022.04.04] 發表
【明報專訊】前香港眾志副主席鄭家朗(圖)去年中一度被指已離港到英國或台灣，佢前晚喺facebook證實自己身處英國，並話「在離開香港的一年當中絕對談不上好過」，皆因戰友仍未得自由。不過，佢話喺英國見番好多昔日朋友同香港社群，覺得好似返咗屋企，感慨「因為有香港人的地方就是香港」。
喺眾志年代主打教育議題嘅鄭家朗話，過去一年到唔同學校講課，而「國際線」除咗游說政府，仲可以保存下一代對香港價值、文化同歷史嘅認同，所以就同幾個香港教師、社工等，跨時差咁製作咗一套《太平島保衛戰》教材。
教局建議家長選持平教材
教材以民選總統嘅太平島作背景，講述一個名為「惡盜大王」為求勝出選舉派出軍隊，而長老同法師挺身保護小島；當中仲加入修改選制、投白票等內容。此外仲有桌上遊戲「民主攻防戰」，透過提案同商討政綱、舉行總統大選，闡釋個人及民主權利。一套6冊故事加3款遊戲預售盛惠1290元。
教材嘅顧問團包括已經移英嘅融樂會創辦人王惠芬、考評局前歷史科評核發展部經理楊穎宇、身在台灣嘅學者沈旭暉。育有兩女嘅沈旭暉話，擔心小朋友身處異地，久而久之失去香港嘅文化認知，有必要為海外港生度身訂做普世價值嘅教材。
教育局回覆，建議家長選擇內容客觀和持平嘅教材，要避免選取內容偏頗或謬誤嘅讀物，「更不應購買以教材為包裝，實作為政治宣傳、污蔑政府的讀物，以保障子女福祉」。
更多港聞
【Emily】李璧而宣布參選 話李家超鄧炳強出嚟佢就退
【明報專訊】特首選舉提名期噚日開始，建制組織「珍惜群組」召集人李璧而（圖）喺facebook宣布參選，通過傳媒向選委發信息，叫大家畀機會佢為... 詳情
【Emily】各區派物資 柯創盛巧遇周聰叔 方力申跑梯勝黃梓謙
【明報專訊】觀塘區議會主席、民建聯柯創盛服務觀塘超過30年，佢話有好多演藝界朋友話佢知，資深演員周聰住喺觀塘，問柯仔有冇遇過，柯仔都係答對方... 詳情
【明報專訊】民主黨噚日公布「收集轉贈抗疫物資計劃」，向市民收集過剩或唔適合自用嘅抗疫物資，轉贈畀有需要嘅人。民主黨收集嘅物資包括快速抗原測試...
詳情
相關新聞
