有醫護直踩20小時 「幾高級都爆粗」
【明報專訊】新冠病人令公立醫院爆煲問題持續，醫護嚴重超時工作，有部門主管更工作近20小時。面對大量病人，資源及人手又不足，伊利沙伯醫院急症室護士A(化名)說「無論幾高級嘅護士、資深護士都爆粗，無形象可言」。A又說，對於醫管局公布染疫醫護隔離7日後可復工時，提及醫管局員工「不是普通市民」感到「O晒嘴」，「即係我哋係超人？唔會病？唔需要休息？」
不滿醫局稱「醫護非普通市民」
醫管局呼籲公眾勿往伊院急症室，但病人仍不絕。A說不少老一輩認為伊院是龍頭，曾有居於天水圍、將軍澳的人跨區到來；電腦系統處理病人資料上限200個，但昨早已有390多人等候，當中340多人染疫。他說院內醫護士氣低落，「總會有市民唔會理解，永遠覺得自己優先，等兩三個鐘就粗口大罵……好辛苦，我哋好似睇唔到任何出路，以前都會互相鼓勵，講『頂住啊、加油！』，𠵱家已經氣餒到唔識講」。
部門主管提早開工 「已出盡奶力」
A說不少同事對於「醫管局員工不是普通市民」一句感十分無奈，「我哋返工就算有少少喉嚨痛、聲沙，但撩鼻一條線(即快速測試陰性)，都係要上去(工作)，因為知道如果冧咗，就有更多同事受牽連」。
他說部門主管很好，「平時早更7點到下午3點，佢6點半已經開始做嘢，凌晨一兩點先走，未見過部門主管咁想做好啲……大家已經出盡奶力」。
有聯合醫院急症室醫生稱，急症室內擠滿染疫者，「密鋪平面咁」、「基本上係老人院、弱智人士宿舍」。該醫生認為因病人太多，急症室內通風不足，室內病毒量高，急症室40名醫生中有8人已染疫，「第一個確診嘅醫生已返工，就係因為改咗規定」，部分染疫醫生自己駕車上班、自己吃飯，甚至有醫護住在醫院，「真係閉環，都確診」，但醫院感染控制組一口咬定工作時穿了防護裝備就不是院內感染，「同事會覺得好涼薄」。
另一聯合醫院醫護說，10多個非隔離的內科病房中，一半曾現院內篩查新冠個案或小型爆發，導致需暫停收新症。她說這些病房有不少病人已住院多時，卻受牽連而染疫，「好陰功」。
(新冠疫情)
禁追租加碼 擬禁銀行追按揭還款 陳茂波：失租金收入小業主 擬可免息借10萬
【明報專訊】財政預算案提出立法暫緩業主向指定行業的租戶追租，為期3至6個月。財政司長陳茂波昨日表示，有意加入兩項新措施，分別是通過百分百擔保... 詳情
帶子女打針 預約仍等個半鐘 中央圖書館130人擠一室 接種者憂染疫
【明報專訊】第五波疫情死亡人數拾級而上，長幼高危，近日不少家長帶子女趕打針，但有家長昨日帶兒女到香港中央圖書館接種疫苗，發現預約者先要在外「... 詳情
