【Emily】檢討童樂居 田二少諷羅致光「快狠準」 羅稱社署未接投訴 田：3歲識報警？
[2022.01.28] 發表
【明報專訊】香港保護兒童會「童樂居」涉虐兒事件引起各界關注，保護兒童會委聘嘅獨立檢討委員會已提出改善措施，而勞工及福利局長羅致光亦話要跟進個案。不過，實政圓桌立法會議員田北辰繼續狙擊羅致光，「七問」局長，諷刺無火速跟進，話佢「出名係智商高，人稱高IQ博士，平時講嘢都經常令人難以理解，佢同其他天才一樣，通常都係眾人皆醉我獨醒，橫眉冷對千夫指，令人敬佩」。
話高IQ博士講嘢難理解
羅致光前日發聲明，話政府邀請兒童事務委員會轄下嘅保護兒童事務工作小組，檢討包括兒童住宿照顧及相關服務，「目標是在明年3月完成檢討」。田二少反問，如小組明年3月先完成檢討，政府又要1年內部研究個檢討，再用半年諮詢外界，搞完一輪，下屆政府任期內有望出到落實時間表，「可以話係快狠準」，咁被虐待嘅小朋友，忍多幾年就得喇！
羅致光前日書面回覆立法會議員提問，話「在過去3年，社署未有接獲有關香港保護兒童會的投訴」；田二少話，童樂居係照顧0至3歲嘅棄嬰、孤兒等，問「想個3歲小朋友自己打去社署？行去報警？向打佢嘅人投訴被打？」佢話今次係由附近居民揭發事件，反建議不如以後住幼兒或護老中心附近嘅居民，都24小時幫手睇住，「社署繼續等投訴啦」。
更多港聞
【Emily】賀年食品多得滯 可捐去42收集點
【明報專訊】農曆新年唔少人會收到賀年禮品，如果食唔晒就會浪費。扶貧委員會轄下社會創新及創業發展基金（社創基金）委聘聖雅各福群會成立嘅食物援助... 詳情
【Emily】引入比亞迪B12A電巴 「電光綠」九巴新春後登場
【明報專訊】政府提出爭取2050年前實現碳中和政策目標，公共交通機構都要配合。九巴就話，已引入16部國產比亞迪B12A純電動單層巴士，會喺農... 詳情
【明報專訊】因民主派「35+初選案」還押嘅立法會前議員毛孟靜（Miss Mo），喺獄中善用時間咪書，仲話想趁機重拾法文。Miss Mo同去探...
詳情
相關新聞
