【Emily】自稱「政壇綠葉王」 廖成利唱二創歌撐馮檢基參選

已退出民協嘅馮檢基（左）噚日開記者會講參選，獲舊黨友、黃大仙區議員廖成利（右）撐場。廖成利即場唱佢二次創作嘅歌支持對方，歌詞包括馮檢基近期嘅金句「never say never」。（劉焌陶攝）

【明報專訊】民協黃大仙區議員廖成利本身有意出選立法會九龍中直選，最後話太太唔肯開綠燈畀佢去馬。佢噚日轉而為前黨友、參選九龍西嘅立法會前議員馮檢基站台，形容基哥係「政壇李克勤」，而自己就係「政壇綠葉王」，仲為基哥即席獻唱佢嘅二次創作歌曲《永不停步、民生第一》。

話馮勝在never say never

首歌嘅歌詞包括：「永遠向前 永不停步∕找尋理想 始終達到∕陪伴着你站一線∕Never say Never∕民生第一 支持阿基」。廖成利話基哥同佢一樣係溫和民主派中嘅「主選派」，基哥比佢優勝嘅係太太開綠燈畀佢選，「我攞唔到」、「好羨慕佢」。

廖成利話同馮檢基喺1983年認識，佢前晚特別重溫基哥嘅著作《馮檢基那一條窄巷》，笑言「好少人睇呢本書睇到最尾」，而本書最尾提到基哥2018年補選輸咗，雖然消沉，但永不停步。好多人批評基哥話「never say never」，廖成利就認為基哥嘅宗旨係「為香港一國兩制」，支撐點係「民主、民生」同「又傾又砌」，民生第一，所以永不停步，認為基哥比佢更優勝正係「never say never」嘅堅持。

九龍西其他參選人有民建聯鄭泳舜、西九新動力梁文廣。

更多港聞

【Emily】戰選委會界別照落區 黃梓謙孖譚志源派傳單

【明報專訊】立法會選舉改制後，新增選委會界別選民雖係近1500個選委會成員，但唔少參選人都當直選咁做，落區宣傳，其中黃梓謙噚日朝早就去灣仔地... 詳情

【Emily】泛民總辭一周年 郭榮鏗寄語抱緊初心

【明報專訊】一年前嘅11月11日，全國人大常委會通過決定，4個立法會議員郭榮鏗、楊岳橋、郭家麒同梁繼昌，經「依法認定」不符擁護《基本法》同效... 詳情

【Emily】M+有連儂牆？

【明報專訊】M+博物館今日向公眾開放，館方噚日舉辦傳媒預覽，現場唔少展館都有預留位置畀參觀者分享感受，例如喺西展廳，就有一整幅牆留白，等公眾... 詳情

【Emily】升港區主教 周守仁晉牧禮12．4堅道舉行

【明報專訊】梵蒂岡今年5月公布，教宗方濟各任命耶穌會中華省省會長周守仁接任天主教香港教區下任教區主教，又將祝聖禮訂喺12月4日舉行。最新一份... 詳情

【Emily】張建宗講talk授課 「新工作」獲批

【明報專訊】今年6月25日離任政務司長嘅張建宗久未露面，以前成日話自己係工作狂嘅佢終於放夠假，最近向「前任行政長官及政治委任官員離職後工作諮... 詳情