【Emily】《時代革命》入圍金馬「最佳紀錄片」 導演：電影可再公映 心裏為之一振
[2021.10.06] 發表
【明報專訊】由電影《十年：自焚者》導演周冠威執導、以反修例運動為題材嘅紀錄片《時代革命》，入圍角逐第58屆金馬獎「最佳紀錄片」。《時代革命》團隊透過facebook專頁表示，感謝台北金馬影展讓《時》角逐獎項，團隊希望藉此讓世人繼續關注香港發生嘅事，亦提醒身處各地、唔同處境嘅香港人，2019年發生嘅事，至今仍未完結。
周冠威同Emily講，法國康城首映之後，《時代革命》被多個外國影展拒諸門外，不似預期，確實有啲失望消沉。佢話，噚日收到成功入圍角逐金馬獎嘅好消息，電影可以再次公開放映，心裏為之一振，「2019年香港的抗爭，要被記錄，也要被觀看」。
稱遭多個外國影展拒絕
佢話多謝金馬獎容許佢匿名，喺報名表上，出品公司一欄只寫上「香港人」三個字，「對於這電影，對於香港人，都有一種被接納的意義」，佢衷心感謝金馬獎，感謝台灣。
感謝准出品一欄填「香港人」
第58屆金馬獎頒獎禮11月27日晚上舉行，入圍名單噚日公布。同樣入圍角逐最佳紀錄片嘅作品，仲包括陳慧齡嘅《給阿媽的一封信》、李立劭嘅《獨舞者的樂章》、李永超嘅《二○二○年的一場雨》，以及金華青嘅《絳紅森林》。?
更多港聞
【Emily】三Apps死機 李梓敬fb出帖籲裝微信
【明報專訊】facebook、WhatsApp同Instagram都係現代人電話幾乎必不可少嘅應用程式，但前晚開始齊齊死機約7粒鐘，直至噚日... 詳情
【Emily】大家食logo設計賽 20強網上投票
【明報專訊】Emily於7月介紹過飲食集團「大家食」搞logo設計賽，希望展示決心改革、建立新形象，冠軍可獲現金10萬元！大家食話收到約千份... 詳情
【Emily】議辦遭淋油 曾錦榮：或用嚟二創藝術品
【明報專訊】新界西區議員周五要宣誓，其中屯門區議員曾錦榮嘅辦事處噚日凌晨被淋紅油，佢話已經報警，但喺facebook發文話，與其快快手清潔污... 詳情
【Emily】美影星徵港特色相 網民貼六四燭海
【明報專訊】主演《心跳500天》、《潛行凶間》嘅美國影星Joseph Gordon-Levitt上年喺社交媒體公開徵求香港嘅相，製作嘅短片剪... 詳情
【明報專訊】行政會議成員負責協助特首決策，不過唔少市民唔識佢哋。香港民意研究所上月做民調，訪問約千人，先邀請受訪者講出5名最熟悉嘅行會非官守...
詳情
相關新聞
