【Emily】宋皇臺站文物展 古蹟辦預告下一個

【明報專訊】港鐵屯馬線通車以來，不時見到市民喺宋皇臺站駐足觀看站內宋元文物展，發展局長黃偉綸噚日喺網誌話，「聖山遺粹」文物展於6月下旬開幕以來，深受市民歡迎，古蹟辦正密鑼緊鼓籌備下一個宋皇臺站嘅文物展，詳情稍後公布。

古蹟辦執行秘書蕭麗娟話，宋皇臺站嘅考古工作共發現70多萬片文物，以宋元時期陶瓷器物為主，為咗畀公眾了解考古發掘成果，古蹟辦同港鐵商討喺站內展出出土文物，港鐵提供兩個展櫃，供古蹟辦展示及介紹文物。

蕭又話，宋元時期文物埋藏地下逾700年，大部分出土時係碎片，古蹟辦人員需人手修補，例如為器物拼對，並以特別嘅黏合劑把屬同一器物嘅碎片拼貼(下圖)，亦會以白色石膏填補器物缺失部分，盡力還原成原本嘅模樣。古蹟辦人員並以超高像素嘅數碼相機拍攝文物，清晰顯示文物細節。

天文台前台長岑智明噚日喺facebook發帖，話前日喺專家帶領下參觀宋元文物展，強調同發展局無夾定；佢話之前對宋皇臺歷史唔係咁了解，尤其係宋皇臺原址所在嘅「聖山」被日軍同英國人剷平呢個香港文物災難都唔知，慨嘆文物同古蹟保護喺香港實在得來不易。

更多港聞

【Emily】科學館彼思展 海怪路卡出自港人手筆

【明報專訊】香港科學館花咗5年籌辦「彼思動畫的科學秘密」專題展覽，有超過50組互動展品，展覽自7月底開幕，市民反應熱烈。下月起科學館邀請咗彼... 詳情

【Emily】法案委員會最少要3議員 陳克勤：掃走鄭松泰 影響一條法例審議

【明報專訊】熱血公民鄭松泰被資格審查委員會裁定唔符合做選委會當然委員，連帶被DQ立法會議席。建制派「副班長」、民建聯陳克勤就以此嚟同大家講議... 詳情

【Emily】3D打印礁盤 放海下灣復育珊瑚

【明報專訊】香港地質公園2009年成立，到2011年成為世界地質公園，今年踏入第十年。公園覆蓋新界東北同西貢地區、海域，市民可以見到火山岩六... 詳情

【Emily】梁美芬搞壁畫 邀劏房童畫Dream House

【明報專訊】港澳辦主任夏寶龍早前關注香港劏房籠屋問題，經民聯立法會議員梁美芬早排同多個團體發起平台「凝聚民心」，搞咗一個大型壁畫活動，由幾十... 詳情