【Emily】鄭泳舜跑步慶牛一 傍晚書展捧曾鈺成場

噚日係民建聯立法會議員鄭泳舜（圖）嘅牛一，節目豐富，早上先去跑步，傍晚去書展出席民建聯創黨主席曾鈺成嘅新書講座。（鄭泳舜提供）

【明報專訊】民建聯立法會議員鄭泳舜(Vincent)噚日42歲牛一，佢喺facebook上載咗一件海綿蛋糕同齋啡嘅相，話有好兄弟陪佢喺大雨下晨早跑步，加食早餐慶生，「相信沒有什麼比茶記早餐，用手吃蛋糕加齋啡更加麻甩」，而傍晚佢去咗書展，到民建聯創黨主席、立法會前主席曾鈺成本新書《時不再來，主席八年》嘅講座捧場，仲即場買咗幾本。Vincent話多謝大家嘅生日祝福，佢都祝大家身體健康。

至於生日願望，Vincent同Emily講，希望跟進多年嘅劏房租務管制，政府提出修例後能盡快落實，佢作為立法會過渡房屋及劏房事宜小組委員會主席，期望政府能夠考慮將兩年租約後最多加租15%幅度，下降至10%。另外，佢係香港體育學院嘅董事，佢話希望市民可以多多支持香港運動員，祝願各位港將順順利利出戰東京奧運。