【Emily】阿牛設「街坊民主牆」 地署指違規

東區區議員曾健成接到地政總署去信，話佢掛嘅「街坊民主牆」涉違反指引守則。（曾健成facebook圖片）

【明報專訊】多名區議員喺六四前派蠟燭、舉行「熄燈一小時」等活動，遭民政事務總署警告。社民連東區區議員曾健成(阿牛)喺區內設「街坊民主牆」，上面貼上「人心不死 燭光不滅」、「毋忘六四32週年」字樣，佢喺facebook出帖，透露接到地政總署信件，認為佢展示嘅宣傳品不符指引規定，食環署會移走。

食環會移走 阿牛促交代

阿牛表明，民主牆係為畀區內居民表達意見，將去信當局，要求交代乜嘢內容違反指引、移除嘅仔細原因，不排除採取追究行動。

西貢議辦遭秘書處突擊檢查

西貢區議員陳嘉琳噚日就喺fb發相稱被區議會秘書處職員「突擊檢查」，引述對方話因接到市民投訴，話佢議辦並非作「區議會用途」。陳上周五(4日)接到民政處信件稱，收到投訴指佢進行與區議會無關嘅活動，影響地區和諧、可能犯法，包括喺5月27日派蠟燭。

翻查資料，民政總署六四前夕發稿，話接到投訴有區議員進行無關區議會工作嘅活動，包括派物資、發表宣傳信息、鼓勵及協助公眾參與未經批准集會，明言所有執行與區議會無關職務嘅開支將不獲發還；其後多名區議員都接到當局嘅信，話佢哋進行與區議會無關嘅活動。

更多港聞

【Emily】接「救生員游水」投訴 譚香文出post吸「嬲」逾千

【明報專訊】黃大仙區議員譚香文前日喺facebook出帖，話有街坊見到屋苑泳池嘅兩名救生員，一個清潔泳池時，另一人喺度游水。譚香文話接到投訴... 詳情

【Emily】曾駐京滬穗 戴偉紳任英駐港澳總領事

【明報專訊】英國外交部噚日公布，現任駐泰國大使戴偉紳（Brian Davidson），下月就任英國駐香港及澳門總領事，接替上年底卸任嘅賀恩德... 詳情

【Emily】入獄前拍定片 吳文遠同阿尹賀壽

【明報專訊】還押中嘅民主黨尹兆堅噚日52歲生日，係佢首次於獄中過生日。阿尹一對十幾歲嘅仔女前日去荔枝角探爸爸，祝爸爸生日快樂，仲喺探監房跳起... 詳情

【Emily】何君堯：委法官要諗政治含意

【明報專訊】英國最高法院前院長何熙怡女男爵早前表明唔會續任終審法院非常任法官，立法會資深司法任命建議小組委員會噚日開會，討論任命高院上訴庭副... 詳情

【Emily】考察新界北 立會扑槌搭直升機

【明報專訊】立法會發展事務委員會將於6月22日考察新界北新發展區，話說早前政府建議，今次考察可以揀搭直升機高空視察，以及陸路搭車考察，根據立... 詳情