【Emily】港燈車場建苗圃 種香港名物鶴藪白
[2021.06.03] 發表
【明報專訊】6月5日(周六)係「世界環境日」，港燈話搞搞新意思，配合今年環境日以「生態系統恢復」為主題，將位於堅尼地道總部嘅停車場旁邊一幅草地，改建為小苗圃，畀員工喺該處種植有機白菜「鶴藪白」同其他室內有機植物。港燈話，鶴藪白係上世紀六七十年代香港蔬菜界嘅出名品種，產自粉嶺鶴藪村，及後由於大量內地蔬菜輸港，逐漸被淘汰，直至2012年由漁護署與綠色團體合作復育鶴藪白菜，經歷3年先復育出最近似當年嘅鶴藪白菜。
港燈同事都好認真種菜，搵埋浸會大學專家教授有機種植，蔬菜種子都購自本地菜種行。港燈董事總經理尹志田都有落手落腳種菜，逐粒將鶴藪白種子落盆及澆水。佢哋嘅白菜暫時都係啱啱長出綠葉，期望遲啲可以收成，一齊享用成果。
更多港聞
【Emily】「旅遊氣泡」改壞名？ 邱騰華：如果改名處理到，當然最易
【明報專訊】香港同新加坡嘅「航空旅遊氣泡」兩度延期，成日畀人笑「最怕改壞名」。立法會金融界議員陳振英噚日喺立法會會議上就問起，點解香港搞咁耐... 詳情
【明報專訊】關閉咗26年嘅將軍澳堆填區第一期，終於有發展項目可以落實。噚日立法會工務小組討論活化已修復堆填區資助計劃，政府批准東華三院將呢個...
詳情
小一放榜 預視生源續跌 教界籲齊減叩門額避縮班
【明報專訊】新學年小一統一派位結果昨日放榜，因應疫情而連續兩年以郵遞通知家長。有家長昨早甫收到結果就到小學叩門（申請候補位）。有家長為獲派第... 詳情
相關新聞
