【Emily】「沒有健康筋骨，哪有國家安全」 蔡展鵬醜聞 網民問有無用「安心」？
[2021.05.13] 發表
【明報專訊】警務處國家安全處首任處長蔡展鵬涉光顧無牌按摩店休假受查，一石激起千重浪，大批政界中人喺facebook熱論同「抽水」。灣仔區議員梁柏堅關注，究竟案中所涉嘅係「男技師定女技師」，仲話「做國安去搞黃店係天職，何罪之有？」，並hashtag「黃色事業都係黃」、「堵塞漏洞」。
社民連吳文遠就連發7帖。佢聯想到前日日頭警務處長鄧炳強先至話「如果假新聞引致國家安全罪案，警方就要處理」，點知到夜晚，傳媒就報道蔡展鵬單嘢；又話等緊「一哥」交代技師號碼，「沒有健康筋骨，哪有國家安全，前列腺係國家必須防守嘅戰線」。
泰博：由O記查 累死中央
熱血公民議員鄭松泰強調，國安處長休假受查係國家安全嘅問題，應嚴肅看待。至於案件由有組織罪案及三合會調查科(O記)跟進，佢直斥「成何體統」，反問唔通要O記去國安處蒐證，話特區累死中央。
網民嘅留言都極具娛樂性，有人話蔡展鵬其實係去放蛇，但關注佢入骨場前有冇掃「安心出行」App。有網民話，如果「一哥」稱呼反修例示威者做「暴徒」，「相信他一定會以『淫賊』稱呼光顧無牌骨場的國安處處長啊」。
更多港聞
【Emily】葉劉問邱騰華：會否爭取MIRROR、ERROR上內地節目？
【明報專訊】男子組合MIRROR、ERROR爆紅，連政界中人都關注，新民黨主席葉劉淑儀噚日喺立法會大會上藉民建聯劉國勳提出「開放本地頻譜播放... 詳情
【明報專訊】近年唔少調查顯示年輕人不滿政府，立法會前主席曾鈺成接受恒生大學傳播學院《恒傳感言》訪問時話，其實好多年輕人都明白，唔係提出意見後...
詳情
【明報專訊】竹篙灣檢疫中心提供嘅膳食備受批評，行政會議成員、經民聯立法會議員林健鋒噚日話，見到竹篙灣隔離營嘅情况令佢好心悒，建議政府與國泰航...
詳情
【明報專訊】市建局3月時同華懋集團簽訂合約，將共同營運及管理中環街市活化項目，料第三季重開。華懋集團噚日公布，19號（下周三）會喺中環街市內...
詳情
相關新聞
