【Emily】謝偉俊爆好多司局長唔敢講嘢 建制立會批政府一言堂未老先衰
[2021.05.07] 發表
【明報專訊】立法會噚日通過一項無約束力議案，要求政府改善施政。唔少議員辯論時炮轟港府，建制派謝偉俊更即場爆料，話有好多司局長私下向佢反映，「唔係好敢講嘢，唔係好想講嘢」，佢批評現屆管治班子畀人「一言堂」感覺，導致政策有盲點或者唔夠貼地，希望下屆特首無論係「天使定魔鬼」，都應該檢討問題。
經民聯梁美芬就點名批評個別官員，指副發展局長廖振新回應深水埗主教山配水庫問題時，「回覆得真係非常之差，差嘅程度係，完全唔係回覆緊我嘅問題」；佢又批評食衛局長陳肇始，話等咗127日，局長都未解釋到點解正義聯盟創辦人李偲嫣染疫離世前，遲遲未收到檢測結果。佢話希望政府多聽民意，「唔好當立法會議員嘅意見冇到，包括係無約束力嘅動議」。
梁美芬點名副局回覆差
民建聯梁志祥一開波就批評「特區政府猶如未老先衰嘅中年人，眼矇耳聾、手慢腳慢、腦袋糊塗」，祥哥話，社會批評政府喺地方行政嘅角色不清、效率不足，認為政府要改善地區施政，認真研究民政事務處嘅角色。
議案由行政會議成員、民建聯張國鈞提出，佢批評「有啲官員喺相關嘅政策中『數夠票』，就懶得向一啲有意見嘅議員繼續見面解說」，強調強勢嘅行政主導唔等於可以漠視立法機關。
更多港聞
【Emily】六四集會區議員判囚 王偉麟：有罪，沒錯 羅健熙斥「刑期通脹」
【明報專訊】前香港眾志秘書長黃之鋒、荃灣區議員岑敖暉、南區區議員袁嘉蔚（Tiffany）及觀塘區議員梁凱晴，因為上年六四維園非法集結案，噚日... 詳情
【明報專訊】正還押嘅民主黨胡志偉，向懲教署申請外出奔喪被拒，懲教署提出安排志偉視像「瞻仰遺容」，曾因妨礙司法公正罪被判囚嘅前全國政協委員劉夢...
詳情
【Emily】青研網上民調：六成人話傳媒欠監管 記協：無自由嘅社會先會設註冊制
【明報專訊】政府研究打擊「假新聞」，民建聯周浩鼎及陳恒鑌、新民黨林宇星等人擔任成員嘅「青研香港」噚日公布「港人對傳媒生態意見」網上問卷調查結... 詳情
【Emily】旅局搵王菀之彭秀慧拍微電影sell十景
【明報專訊】新冠病毒疫情至今逾一年，大家就困住喺香港成年，無得出國唯有諗吓本地遊啦。旅發局發言人同Emily透露，以往「大城小區」計劃推出嘅... 詳情
【明報專訊】新冠疫情困擾全球逾一年，市民都努力適應呢種「新常態」嘅生活。和富社會企業「香港開心D」等機構委託理大護理學院，喺上月做「家庭開心...
詳情
相關新聞
